بتحب الخط العربي؟.. 5 ورش هتخليك خطاط محترف
لو نفسك من زمان تتعلم إزاي تكتب بالخط العربي، يبقى جتلك الفرصة لحد عندك، في التقرير ده من «شبابيك» هتلاقي مجموعة من الورش اللي هتتعمل في أماكن مختلفة، وأي ورشة منهم لما تروحها هتخليك أعظم خطاط في الدنيا :)
ساقية الصاوي
ورشة الخط العربي في ساقية عبد المنعم الصاوي بتكون كل يوم جمعة من الساعة 2 لـ 3.30 العصر وسعرها هيكون 100 جنيه في الشهر، بس لازم الأول تعمل عضوية في الساقية بـ60 جنيه وبعدين تشترك في الورشة.
عضوية «الساقية» عبارة عن ورقة لكن لو عايز يكون معاك كارنيه عضوية بتدفع 20 جنيه زيادة والورشة بيقدمها أستاذ تعليم الخط العربي أحمد أبو ياسين.
عضو لجنة التحكيم في مسابقة الأشراف الأولى الخط العربي، والحاصل على دبلوم الخط العربي طه عبد الناصر هيعمل ورشة في مركز «شفشاون» كل يوم سبت وتلات من الساعة 5 لـ7 بالليل وهيكون سعرها 200 جنيه، والأدوات اللي هتستخدمها سعرها 60 جنيه. وهتكون عبارة عن قلم بوص، وحبارة، وورق كوشية.
والورشة مفروض هتبدأ يوم 22 نوفمبر أو 29 نوفمبر، وعشان تعرف هتبدأ امتى بالظبط تابع صفحة المركز من هنا. وعنوان المركز هو: 11 شارع هارون، ميدان المساحة، الدقي. ومن هنا تقدر تتفرج كمان على أعمال طه عبد الناصر.
في مركز «مشكاة» الثقافي ورشة هيعملها برضه طه عبد الناصر، وهتكون مدتها 8 محاضرات بداية من يوم الاربعاء 30 نوفمبر ولمدة يومين في الأسبوع (الأحد والأربعاء)، ومدة الورشة ساعتين من 6 لـ 8 بالليل، وسعرها هيكون 150 جنيه + 60 جنيه للأدوات.
وأخر ميعاد للحجز 28 نوفمبر أو حين اكتمال العدد. وللحجز روح عنوان المركز في: 11 شارع خلوصي، متفرع من عبد العزيز آل سعود، المنيل، أو عن طريق فودافوان كاش على رقم 01090267793، ولو عايز تعرف تفاصيل أكتر ادخل هنا.
من يوم السبت 19 نوفمبر هتبدأ ورشة الخط العربي في مركز «بيوتًا»، وهتبقى أيام السبت من الساعة 6 لي 8 بالليل، والإتنين من الساعة 4 لي 6 لمدة 4 أسابيع، وسعر الورشة هيكون 150 جنيه + 60 جنيه تمن الأدوات.
وهيعمل الورشة طه عبد الناصر، والحجز عن طريق الشيت ده https://goo.gl/YI1KPc، أو تروح مقر المركز في: 3 شارع همدان تقاطع شارع مراد، فوق سوبر ماركت بيم الجيزة، أو تحول فودافون كاش رقم الفودافون كاش: 01019891090، وعشان تعرف تفاصيل أكتر ادخل على الإيفينت من هنا.
في 8 محاضرات هتتعلم تكتب بالخط العربي في مركز «تويا». والورشة هتبدأ يوم 4 ديسمبر الساعة 5، وهتبقى يومين في الأسبوع وكل محاضرة ساعتين وسعرها هيكون 250 جنيه + 60 جنيه سعر الأدوات. واللي هيعلمك طه عبد الناصر، وعنوان المركز ٣٥ شارع النصر بالمعادي الجديدة بجوار ألبان المالكي.
