«بتحب السيما؟».. 5 أفلام سحر ومغامرة تنتظرك في دور العرض
عشاق السينما بيستنوا بفارغ الصبر أي فيلم ليه قصة مختلفة عن السائد. وعشان خروجة السينما هي اللي بتبسطهم، بنرشح ليهم في التقرير ده مجموعة من الأفلام اللي بتتعرض في السينما حاليا وبتقدم أفكار وقصص مختلفة وتستاهل أنك تروح تتفرج عليها.
Doctor strange
بعد أما نجى دكتور «سيتفن سترينج» اللي بيتميز بعبقريته الشديدة وفي نفس الوقت الغرور الشديد، من حادث سيارة كان مفروض يطلع منه ميت، بيبدأ أنه يتعلم على إيد ساحر كبير أسرار العالم الخفي للسحر.
بس ياترى ليه؟ ده اللي هتعرفه لما تشوف الفيلم، اللي هيكون بطولة بينيديكت كامبربتش، تيلدا سوينتون، ومن تأليف ستيف ديتكو اللي الفيلم مقتبس أحداثه من قصص «ستيف» القصيرة. أما الإخراج فلسكوت ديركسون.
الفيلم بيتعرض في سينيمات سيتي ستارز، جالكسي، كايرو فيستيفال، بالإضافة لمجموعة من دور العرض التانية ممكن تعرفها من هنا
Fantastic Beasts and Where to Find Them
الفيلم بتدور أحداثه في عام 1926، وبتعيش خلاله مغامرات الكاتب «نيوت سكاماندر» اللي بيواجه ة تداعيات خروج عدد من المخلوقات السحرية من حقيبة سحرية، مهددين عالم السحرة وباقي البشر كمان.
الفيلم من بطولة جوني ديب، إيدي ريدماين ومن تأليف «ج.ك.رولينج» اللي اسم الفيلم مقتبس من كتاب ليها بنفس الإسم. أما الإخراج لديفيد ياتس.
الفيلم بيتعرض في سينيمات أمير، سيتي ستارز، صن سيتي، جالكسي، وكايرو فيستيفال، بالإضافة لمجموعة من دور العرض التانية اللي ممكن تعرفها من هنا
The girl in the photographs
«سبيرفيش» امرأة حاسة بملل في حياتها، وفجأة حياتها بتتقلب لما بتلاقي حد بعت ليها صور لنساء اتقتلت بوحشية، فبتسأل نفسها ياترى اتقتلوا فعلًا ولا ديه مجرد تمثيلية غرضها الهزار ليس إلا. وهنعرف إذا كان ده هزار ولا حقيقة و«سبيرفيش» هتعمل إيه لما نشوف الفيلم.
الفيلم بطولة اوتومن كندريك، ميراندا راي مايو ومن تأليف أوسجود بركنز، وإخراج نيك سيمون. الفيلم بيتعرض في سينيمات سيتي سنتر، نايل سيتي، وسان ستيفانو مول، بالإضافة لمجموعة من دور العرض التانية اللي ممكن تعرفها من هنا
Ouija 2: Origin of Evil
أم وبناتها الاتنين بيعملوا جلسات تحضير الأرواح، وفي مرة وهما بيحضروا حضرت روح شريرة، ولبست بنت من بناتها، وبتبدأ العيلة تواجه الروح الشريرة ديه.
المواجهة ديه هتم من خلال أبطال الفيلم أناليس باسو، اليزابيث ريزير، لولو ويلسون. والفيلم من تأليف جيف هوارد وإخراج مايك فلاناجان.
يعرض الفيلم في سينيمات سيتي ستارز، صن سيتي، جالكسي، بوينت 90، سان ستيفانو مول، أمريكانا بلازا، ميراج، أمير، ريفولي طنطا.
Trolls
مجموعة من العرايس طول عمرها عايشة في سعادة وسط أراضيها لحد لما بتظهر في يوم مجموعة أسمها «البيرجن»، وبتقرر أنها تحتل أرضهم، فبيحاولوا أنهم ينقذوا أرضهم.
«Trolls» من أفلام الرسوم متحركة، وهو من بطولة آنا كيندريك، جاستين تيمبر ليك ومن تأليف جوناثان أبيل واخراج والت دورن. وبيتعرض في سينيمات نايل سيتي، سيتي ستارز، صن سيتي، كايرو فيستيفال، بوينت 90، سان ستيفانو مول، أمريكانا بلازا، الرحاب، بالإضافة لمجموعة من دور العرض التانية ممكن تعرفها من هنا
