عارض أزياء دخل الجيم لأول مرة وعمره 50 عاما.. اعرف قصته
احنا كمجتمع مقتنعين أن الإنسان لو عدى سن الـ 50 يبقي خلاص «راحت عليه» ويبتدي بقى يجهز نفسه ويشوف له مكان عشان يدفن فيه، عشان خلاص هو بقى عجوز.
شبابيك يتناول قصة «ديشوان وانج»، اللي بيطلقوا عليه أكتر رجل جذاب في العالم، عمره 80 سنه بيشتغل عارض أزياء =D أيوه عارض ازياء متندهش!.
«ديشوان» هو ممثل صيني في الأصل وكمان عارض أزياء، كان من ضمن العارضيين الموجودين في أسبوع الموضة بالصين وازدادة شهرته بسبب مشاركته في الأسبوع ده.
مشواره الفني
بدأ مشوراه الفني وهو عنده 40 سنه كممثل مسرحي ومن بعدها انتقل للسينما، وشارك في أفلام كتير زي «The Forbidden Kingdom and Warriors of Heaven and Earth».
والغريب بقى أنه بدأ يشتغل علي نفسه وصحته ويهتم بلياقة جسمه ويروح الجيم وكان عنده 50 سنه وبدأ يهتم بأنه ياكل أكل صحي ويعيش حياة صحية.
وقدر يثبت أن مفيش حاجة اسمها أني خلاص كبرت وعجزت يبقي مينفعش أعمل أي حاجة في حياتي أو اني كل ما أكبر في السن الأمراض بتزيد.
من الأخر مجرد أن ييجي في دماغك تفكير أنه خلاص فات الأوان لمحاولة شيء جديد، ارفض الكلام ده ومتجعلشي حد يقف في طريقك للنجاح.. وعيش حياتك على قد ما تقدر لأنها قصيرة أوي ومتستاهلشي انك تعيش طول الوقت وأنت مضايق ومهما سنك كبر عيش عياتك.
