عايز تمثل؟.. 5 ورش هتعلمك من الألف للياء

عايز تتعلم تمثيل عشان لما تيجي قدامك فرصة تمثل سواء في (فيلم، مسرحية ، مسلسل) تكون متمكن من أدواتك وعارف إزاي تمثل الدور بإتقان بس مش عارف تروح فين.. متفكرش كتير في التقرير ده هنعرفك على مجموعة من الورش اللي هتم خلال الفترة اللي جايه، عشان تختار منها الورشة  المناسبة اللي عايز تروحها.

ورشة اليوم الواحد مع مروة رضوان

المخرجة مروة رضوان، هتنظم في 1 ديسمبر، ورشة لتعليم التمثيل، لمدة يوم واحد من الساعة 6 لـ 10 بالليل، بمقر مركز «أوزيريس».  الورشة هتكون متقسمة لجزئين. الأول عن كيفية بناء طاقة الممثل والثقة بالنفس، وتمرينات مختلفة للحكي.

والجزء التاني من الورشة، هيكون فيه تمارين غناء، رقص وتأمل.

مروة رضوان، مخرجة ومؤلفة مسرحية خريجة مركز الإبداع بدار الأوبرا المصرية، وأخرجت عدد من المسرحيات منها «شيكايرو»، ودي من إنتاج مسرح الشباب.

للحجز  هتبعت رسالة على  صفحة «اوزوريس» من هنا  فيها تعريف بنفسك مع ذكر الهدف من رغبتك في الاشتراك بالورشة، وبعدين هتروح تأكد بمقر «اوزوريس» وهتكتب استمارة الاشتراك في الورشة
الحجز باسبقيه الحضور 

عنوان «اوزوريس»: عمارة سيف الدين، رقم 1 شارع حسن مراد، متفرع من شارع قصر العيني. وعشان تعرف معلومات أكتر وكمان سعر الورشة كام اتصل على الرقم ده: 01067363433

ورشة في اسكندرية من يوم 1 ديسمبر لي 15 ديسمبر

وفي 1 ديسمبر برضو، هيكون فيه ورشة تمثيل في الإسكندرية، في مقر مدرسة «فيلا 70» لتعليم الرقص، واللي هيحاضر فيها مدرب التمثيل المسرحي، سعيد قابيل .

وهتتدرب في الورشة دي على النطق وقواعد الحروف، تدريبات الصوت والتنفس، قواعد الإلقاء، التمثيل باللغة العربية الفصحى، الحكي، الإرتجال، الخيال والتركيز، بالإضافة للعاطفة وأسس بناء الشخصية.

الورشة للمبتدئين في المجال والممثلين أصحاب التجارب القليلة في التمثيل.  وسن المتدرب ميقلش عن 17 سنة.. والورشة هتكون مدتها  شهرين مرة كل أسبوع وعدد الساعات هيكون ساعتين ونص.

قيمة الاشتراك في الورشة 250 جنيه.  والورشة هتبدأ لما العدد يكمل.

للحجز ابعت رسالة على صفحة Villa 70's 
للاستفسار اتصل على الرقم ده: 01112094615
العنوان: 21 ش الدلتا دوران سبورتنج، من شارع بورسعيد.. الدور التاني، الإسكندرية.

 ورشة أبيض وأسود 

الورشة بتقدمها نبيلة حسن، وكيل معهد فنون مسرحية، وهتكون مدتها 3 شهور، مرتين في الأسبوع، وهتدرس خلال الفترة ديه التمثيل وهيكون نتاج الورشة إنك هتعمل أفلام قصيرة هيتم مشاركتها في مهرجانات.

وبحسب المسئولين عن الورشة، فهي هتأهلك أنك تشارك في مسلسلات رمضان 2017، وسعرها هيكون 2250ج،  ولو كنت طالب هيبقى سعرها 2150 جنيه بس.

الورشةهتبدأ  يوم 3 ديسمبر،  والحجز متاح حاليا من من خلال الرقم ده (01222929066)، ومن هنا تقدر تدخل على الصفحة.

6 مدربين في ستوديو ذات

في الورشة دي، 6 مدربين هينقلو ليك خبرتهم وهيعلموك إزاي تكون ممثل شامل ومحترف؟ 

والمدربين همه: 

- شادي خلف مؤسس «ستوديو ذات» ومدرس التمثيل في مدرسة لندن للسينما، وفاز بجايزة أفضل ممثل مرتين من مهرجان الإسكندرية السينمائي.

- لوك لينر، وده ليه أكتر من 15 سنة بيدرب تمثيل، وحصل على درجة البكالوريوس في المسرح من الجامعة الأميركية في القاهرة، والماجستير في الفنون من معهد الأداء المسرحي الأميركي في جامعة هارفارد ومدرسة موسكو للفنون المسرحية.

- لورانس روديك، وده  قضى 45 سنة في اكتشاف أدوات مبتكرة في فنون الأداء والتمثيل.  قدم ورش تمثيل، الأداء صوتي، فن الحركة في الجامعة الأمريكية وقام بتدريس الوعي الجسدي في مركز القاهرة للرقص المعاصر.

- أحمد مختار، اللي قام بالتدريب في العديد من مسارح الدولة زي الطليعة، القومي، الغد والسامر، وعمل كمدرب لفرق المسرح بجامعات القاهرة، عين شمس وحلوان، ويعتبر من أهم مخرجي الدوبلاج في العالم العربي، ومن أهم أعماله أفلام «شركة المرعبين المحدودة»، «حياة حشرة»، و«البحث عن نيمو».

- محمد عثمان مدرب أصوات، ومستشار موسيقي. وهو مايسترو فرقة أيامنا الحلوة وعمل كمدرب كليّة التجارة للموسيقى والغناء وبعض فرق الكليات والمعاهد الأخرى

- فلورانس موتين، ودي راقصة فرنسية ومدربة ارتجالية في الرقص المسرحي، تسعى من خلال تدريباتها إلى تحرير الجسد وأنها تخلي حركاته فيها لغة إبداعية لتعزيز الثقة بالنفس والإبداع والقدرة على التعبير. درست «فلورنس» الأدب وعلم اللغة وانسجام العقل مع الجسد، والرقص المعاصر، والهاثا يوجا. 

ديه كانت معلومات سريعة تخص كل مدرب اللي هيدربوك لمدة 3 شهور هتبدأ من 3 ديسمبر وتمن الورشة هيكون 4500 جنيه.  لو عايز تعرف معلومات أكتر ادخل هنا. 

ورشة إياد داوود

هتتعلم خلال الورشة دي مع المدرب إياد داوود، كل أدوات الممثل وإزاي تتمكن منها وتستخدمها وهتتعرف على مدارس التمثيل المختلفة ستانيسلافسكي،  ستراسبرج، ادلر وغيرها من الحاجات اللي هتتعلمها تقدر تعرفها من هنا.

الورشة هتبدأ يوم 15 ديسمبر، ومدتها 3 شهور ونص، مرتين في الاسبوع وعدد ساعات اليوم الواحد من 5 إلى 6 ساعات، وهيكون فيها بحد أقصى 20 طالب.

ميعاد التقديم هيكون متاح لحد 5 ديسمبر، ومواعيد المقابلات هيكون يوم 5 و6 ديسمبر، والتبليغ بميعاد الورشة يوم 8 ديسمبر.

وبالنسبة للمحاضر، إياد داوود، فاشترك في 15 عرض مسرحي جامعي (10 عروض تمثيل و5 عروض إخراج مع التمثيل). كمان اشترك في عدد من الورش منها ورشة مروة جبريل، وجيرالد جيمس. وعمل مدرب تمثيل لـ19 ورشة في شركة «ستارز»

أخر ميعاد للتقديم للورشة يوم 10 ديسمبر، وعشان تعرف سعرها هيكون كام اتصل على الرقم ده: (01223455790). أو ابعت رسالة على صفحة اياد داوود. 

ورشة صبري فواز

الممثل فواز أعلن على صفحته الرسمية من هنا انه هيعمل ورشة قريب فتابع صفحته أول بأول.