بتحبها وعايز تعترف؟.. طيب خلي بالك بالطرق دي هتخسرها

لو بتحبها ولسة معترفتش ليها وبتشوف انها شايفاك عامة انكوا اصحاب أو معرفة وبس، لكن انت عايز تصارحها بحبك ده أو تتقدم ليها عشان تخليها تبصلك بنظرة الحبيب مش الصاحب والموضوع يكون فارق معاها. خلي بالك بقى إن فيه طرق اعتراف ممكن تخليك تخسرها للأبد والطرق ديه هنقولها ليك في الموضوع ده عشان تخلي بالك.

تقول للناس انك بتحبها

استشاري العلاقات الأسرية أسماء مراد، بتتنصح الولد وبتقول: حاول متاخدكش الجلالة وتروح تنشر خبر إنك بتحبها وعايز تصارحها بين الناس. لأن فيه نوعية من البنات لو وصلها اللي انت قولتوا هتضايق لأنها هتشوف إنك كنت مفروض تيجي تصارحها بنفسك مش تروح تقول للناس من وراها. 

وكمان الطريقة دي ممكن تأثر على سمعتها وممكن هى تكون معجبة بواحد تاني أصلًا ولما يوصله انه فيه حد بيحبها يصرف نظر عن الإعجاب بيها. 

تقول لصاحبتها انك بتحبها

الإستشاري التربوي والأسري غادة السمني، شايفه انك متحاولش أبدًا تكلم بنت صاحبتها عشان تقولها انك بتحب البنت وتخليها تتوسطلك عندها لأنها ممكن تكون مش حبة تعرف صاحبتها بحاجة فإنت بكدة أحرجتها قدامها وكمان البنت هتاخد عنك انطباع انك معندكش الشجاعة الكاملة انك تكلمها وتعترف ليها مباشرة.

تكلم أهلها بشكل مباشر

بتحذرك «السمني» من انك تفكر تروح لأهلها بشكل مباشر وتتكلم معاهم إنك عايز تتقدم ليها بدون ما تقعد معاها هى قبل القعدة ديه وتشوف انطباعها ايه ناحيتك. لأن الطريقة ديه في بنات مبتفضلهاش وهتخليها تخسرك لأنك أهملت رأيها وروحت من نفسك لأهلها ومفروض هى صاحبة الشأن.

تقول لوالدتك أو أختك يكلموها

وبرضه من الطرق الغلط اللي ممكن تخليك تخسرها، إنك تحكي لمامتك أو أختك عنها وتخلي حد منهم يروح يكلمها لأن ممكن تكون البنت بتتحرج والأفضل ليها انك تواجهها وتأخد رأيها بنفسك، أوهما ممكن بينقلوا كلامك ليها يشكل يضايقها وميقدروش يعبروا عن اللي انت عايز تقوله، وبالتالي هي ممكن تتضايق وترفض الارتباط.

فكرة مجنونة نهايتها الخسارة

غادة السمني، بتقولك كمان متفكرش انك تستخدم فكرة ما شوفتها في فيلم مثلًا عشان تعترف ليها بحبك زي انك تعلق ليها بانر في أي مكان ويبقى مكتوب عليه بحبك يا فلانة لأن انت كدة بتشهر بيها وده طبعًا أمر ممكن يخليك تخسرها لأنك لسة متعرفش ايه رد الفعل ومش متأكد منه فبالتالي الفكرة ديه مش زي ما انت فاكر مكن تأثر عليها بالإيجاب وتحبها لأ ديه ممكن تأثر عليها بالسلب وتضايق منها.

هو وصاحبتك خانوكي ولا بيحبوا بعض؟.. هذه القصص دليلك