حماس ونشاط وبهجة.. رحلات الدفا مستنياك في شهر ديسمبر
السفر له سبع فوايد، ومن فوايده دي إنه بيخليك تغير مناظر اتعودت تشوفها، وبيخليك تشوف أماكن جديدة تحسسك بالبهجة والجمال. وشهر ديسمبر فيه مجموعة رحلات ممكن تختار منها الرحلة اللي تعجبك وتروح تغير جو عشان ترجع بعدين وأنت كلك حماس ونشاط وبهجة.
خليج الفيورد باي
185 جنيه فقط لا غير هتدفعها وتسافر وتتفسح في كل تفاصيل طابا، وسانت كاترين، وراس شيطان، وخليج الفيورد باي وده مع فريق عنوان بلدنا لتنشيط السياحة الداخلية.
الرحلة هتطلع يوم 15 ديسمبر، وهتتجمع الساعة 10:30 بالليل، والتحرك الساعة 11 بالليل من أمام الجو باص بجوار هيلتون رمسيس بميدان عبد المنعم رياض التحرير.
وعشان تعرف كل حاجة بقى عن المغامرات اللي هتعملها هناك واللي منها أنك هتطلع أعلى قمة جبل في سانت كاترين، وكمان تعرف هتحجز إزاي ادخل هنا.
هتعيش ملك.. تعرف على أرخص الدول للسفر إلى الخارج
جبل المدورة
مصر فيها أماكن كتير جميلة منعرفش عنها حاجة ومن الأماكن دي جبل المدورة، وعزبة تونس اللي قرر فريق هنا المحروسة ياخدك ويعرفك عليهم من خلال رحلتهم للفيوم ووادي الريان يوم 16 ديسمبر، وسعر الرحلة 150 جنيه شامل دخول الأماكن اللي هتزوروها واللي منها «بيت إيفلين» اللي كانت السبب في شهرة الفيوم، وبالأخص عزبة تونس، وكمان السعر شامل الفطار، والغدا، والانتقالات، والفالوكة كمان اللي هتركبها في بحيرة وادي الريان. ادخل هنا لو عايز تعرف تفاصيل أكتر.
إزاى تحوّش فلوس السفر؟
النوبة
فريق Eco Travel Egypt حابب يخليك تنهي السنة وتبتديها في أجمل مكان في مصر وهو النوبة بلد الطبيعة والجمال. الرحلة هتطلع يوم 30 ديسمبر وهترجع يوم 1 يناير 2017 وسعرها هيكون 950 جنيه. والسعر شامل جميع الإنتقالات الداخلية بأسوان، غدا وعشا أول يوم، وفطار وغدا وعشا تاني يوم، وفطار اليوم التالت.
والكامب اللي هيكون على جزيرة خاصة فيها خيم، وبطاطين، وفيه كمان حمامات قريبة من مكان التخييم. والسعر شامل جميع المزارت اللي هتزوروها من جزيرة الألفنتين، ومقابر النبلاء، ومحمية سالوجا وغزالة، وغيرها من المزارات. ومن هنا هتقدر تعرف تحجز إزاي وكمان هتشوف تفاصيل اليوم هيمشي إزاي.
للسفر فوائد ودروس
الصحراء البيضاء
الصحراء البيضا والسودا، وكهوف الكريستال، وحمامات الاستشفاء الباردة والسخنة، وجميع المزارات السياحية بالواحات البحرية كل الأماكن ديه هتزورها مع فريق عنوان بلدنا لتنشيط السياحة الداخلية. اللي هيخليك تقضي نهاية السنة وأنت بتتفسح في أماكن ممكن تكون مشوفتهاش قبل كده زي مثلًا قصر الباويطي، ووادي الجمال، وجبل الدست، وجبل الكريستال، وغيرها من الأماكن.
الرحلة هتبدأ من يوم 30 ديسمبر وسعرها 925 جنيه، وعشان تعرف تفاصيل أكتر عن الرحلة وطريقة الحجز ادخل هنا.
