حفلات راس السنة.. ودع 2016 مع تامر حسني وحكيم والديفا
«ليلة عيد، ليلة عيد، الليلة ليلة عيد، زينة وناس صوت جراس عم بترن بعيد» دايمًا الاحتفال بليلة راس السنة بيكون ليلة عيد على كل الناس. ولو أنت بتفكر تحضر حفلة اليوم ده هتلاقي هنا مجموعة من الحفلات الغنائية لكل النجوم اللي بتحبهم وكل اللي عليك أنك تختار وتحتفل ببداية سنة 2016.
أحمد سعد وشيبة
في مدينة الفسطاط بمصر القديمة هتحتفل برأس السنة مع فريق المدفعجية، وأحمد شيبة، والسادات، وأحمد سعد، وكرم الأمير، والمونولوجيست حسام المنياوي والفنانة هايدي، والدي جي فيجو.
الحفلة هتبدأ من الساعة 6 بليل لـ1 الصبح وسعر التذكرة هيكون 125 جنيها، وهيكون فيه مكان مخصص للعائلات. ولو عايز تحجز وتعرف تفاصيل أكتر كمان اتصل على الأرقام دي:
01155802255
01002163082
01006596732
01016211700
حكيم
سهرة رأس السنة بفندق «هلنان لاندمارك» في شارع التسعين بالتجمع الخامس هيحيها حكيم، وبوسي، والفنانة الإستعراضية أوكسانا، والدي جي رامي بلازن. وسعر التذكرة 1000، 1500، 1250 جنيه. والسعر هيكون شامل برنامج الحفلات، والعشا اللي هيكون بوفيه مفتوح، والحفلة هتبدأ الساعة 9 بليل لحد 3 عشان تحجز اتصل على 01281010123
تامر حسني
تامر هيحيي حفلة راس السنة بفندق النيل، ريتز كارلتون، في قاعة القاهرة الساعة 9. وسعر التذكرة هيكون 1800، 2500، 2800، 3600 والسعر هيبقى شامل العشا، والاختلاف بين الأسعار ده هيكون على حسب البعد والقرب من الاستيدج. وعنوان الفندق هيكون 1113 كورنيش النيل ميدان التحرير وسط البلد، القاهرة بجوار المتحف المصري.
للحجز
01020076200
01009101094
محمد سعد
حفل محمد سعد والفنانة الاستعراضية نانسي هيكون في دار المشاة، بقاعة الماسة من الساعة 10 بالليل لحد 12، والدار موجودة في شارع إسماعيل الفنجري، بكوبري القبة. وسعر التذكرة هيكون 250، 300، 350 جنيه. والحفل هيضم كمان مجموعة من الفنون الشعبية، ومحمد سعد سبق وشارك في برنامج ستار أكاديمي.
للحجز
01004589227
01006065962
كريم محسن
محسن هيحيي حفلته في قاعة سونيستا في شبين الكوم من الساعة 6 بليل لـ12. ةالتذاكر متاح إنك تشتريها من دلوقت من كذا مكان في شبين الكوم، وطنطا، وبنها وتقدر تعرف سعر التذكرة بكام وتجيبها منين من خلال الإتصال على 01094295902
سميرة سعيد
الديفا سميرة هتكون موجودة في فندق سميراميس في قاعة كليوباترا وهيكون معاها حكيم، وسعر التذكرة من أول 1800 لحد 3200 جنيه شاملة العشا والخدمة والضريبة عشان تحجزها اتصل على:
01114574747
01129442409
01064445888
رامي صبري
رامي حفلته هتكون في فندق هيلتون رمسيس، وبجانب رامي صبري هيكون فيه برضه حفلة لليثي، وهدى، وصوفينار. وسعر التذكرة من أول 1600 لحد 3200 جنيه شاملة العشا والخدمة والضريبة للحجز اتصل 01227988891.
حمادة هلال
بعد غياب هلال الطويل عن الاحتفال براس السنة قرر السنة دي إنه يحيي حفلة في فندق أتلانتس في 74 شارع عبد العزيز آل سعود بالمنيل، وسعر التذكرة هيكون 300، 500 جنيه للحجز اتصل على 16649
الدخلاوية
فريق الدخلاوية، والمدفعجية، ودي جي سولي هيحيوا حفلة راس السنة في مول وندر لاند بمدينة نصر، وسعر التذكرة هيكون 145 جنيه. والحفلة هتبدأ الساعة 6 ونص بليل وهتخلص 1 ونص. للاستفسار والحجز اتصل على 01008880003
