تفاصيل اعتداء أمن ألسن عين شمس على طالب بالضرب (صور)
حكى الطالب بكلية الألسن جامعة عين شمس، حسام محمد، عن اعتداء أفراد الأمن الإداري للكلية عليه، قائلًا: «كنت رايح اشترى ملازم يوم الأحد اللى فات من واحد بيقف داخل الجامعه أمام كلية الألسن بيبيع ملازم لسلسله المرشد كان معايا صديقى في قسم صينى روحنا سألناه عاوزين ملازم سنه ٣ قال مش موجوده دلوقتى هطلع اجبها من على البوابه واجى استنينا صاحبى مشى راح للمدينه علشان كان معاه اكل وانتظرت بجوار الملازم ظهر الأمن الادارى فجأه».
ويضيف الطالب بالفرقة الثالثة -شعبة اللغة الصينية- لـ«شبابيك»، «حد من الأمن سألنى الملازم دى بتاعتك؟ قولتله لا.. قالى الكاميرات مبلغه أن الملازم دى بتاعتك يانروح لمكتب الامن رفضت اديله الكارنيه وروحت مع زميله وهو جاء بالملازم وذهبنا لغرفه الأمن الموجوده خلفه مبنى تجارة».
وذكر «حد من أفراد الأمن الإداري اسمه أحمد عصام جيه من ورايا وفضل يضرب ويشتم وضرب بالبوكس والدماغ وشلاليط وفضلو يضربونى لحد مدخلونى الاوضه بتاعت الامن وقفلو الاوضه وجه فرد امن اسمه احمد عبد الكريم وفضل يضرب بافتراء».
واستكمل «روحت عند العميده قالتلى اكتبلى مذكرة كتبتها واتصلت برئيس الأمن نزل معايا لأمن البوابه روحت لقتهم عاملين مذكره انى ببيع ملازم وعاوزين يحطو دى قصاد دى علشان اتنازل رفضت وصممت انه يتعمل محضر وطلبت بعرض الكاميرات وبعدين عملت محضر في قسم الوايلي رقمه ٩٥٦٨».
