قصائد لـ«رشا إبراهيم» من محافظة أسيوط
مجموعة قصائد من مشاركات رشا إبراهيم عبد الحفيظ، خريجة كليه الآداب قسم علم اجتماع.
""شخبطه ع ورق"""
ف يوم من الايام حلمنا حلم عدي الخيال
لما أكتشفنا أنه فعلآ خيال لا يمس الواقع بشئ
كنا كل يوم بندعي أمتي نكبر ومانكنش عيال
ماكناش نعرف ان الكبر هم علي كتافنا زي الجبال
ماكناش نعرف أن كل مانحب حد ونتعلق بيه فجأه يختفي ويفارقنا ومش نلاقيه
او يتغير ومايكنش زي ماكان
ال مات وال سابنا وال سافر وال هاجرنا
وماعدش لينا غير ذكري الايام ف نفس المكان
ماكناش نعرف يعني اي ظلم يعني اي فقر يعني اي برد...جوع...ذل...يعني اي آلم وعذاب
لما تكون عايش ف بلدك زي الاغراب
ماكنش في يوم بييجي ف بالي ولا خيالي
أن ف حد مات جعان ولا بردان
ماكنتش اعرف أن ممكن حد يموت مظلوم مديون من كتر الديون
ماكنتش اعرف أن ف ناس بنحبها أختفوا فجأه ندور عليهم نلاقيهم تحت التراب أموات ..ماكنتش فاهم يعني أي اشتياق ولا فك رموز كلمه وحشتونا ومايتفعش نشوفكم تاني
ماكنتش أعرف يعني أي فلوس وان كل حاجه بالفلوس لما شفت الجعان والبردان والعيان حتي مستشفي مش لاقي ينام ولما عبروه بعلاج طلع مسموم منتهي الصلاحيه حتي تمنه لسا عليه ديون
يعمل ايه ده غلبان
طب وصاحب العيال ال عايش يوم بيوم وبيكمل عشاه نوم
طب وبنته ليه ماتتسترش بأحلي جهاز واحسن فرش زي بنات كتير ف سنها نفسها ف بيت يلمهامع صاحب الحلال
