لعشاق الشعر.. 10 دواوين بالعامية في معرض الكتاب 2017
إذا كنت من عشاق الشعر العامي، وتنوي زيارة معرض القاهرة الدولي للكتاب، في دورته الـ48، سنعرفك في هذا التقرير، على 10 دواوين، تطرحها عدد من دور النشر في المعرض.
مطلوب حبيب
الحب يشبه سهم
صابك وسابك تحتضر بهدوء
الحب لو مقتلش بيفوّق
وانت ونصيبك بقى
يا هتتقتل.. يا تفوق
ستصدر دار «دوّن» للنشر والتوزيع ديوان شعر بالعامية المصرية للشاعر محمد إبراهيم بعنوان «مطلوب حبيب»
من شظايا الحرب
دفنوا سلاحكم وصلُّوا..
للي خلق الأرض!
يمكن..
تطرح الأرض اللي ماتوا،
أو يجوز الحرب ترجع مادة خام.
إنما بِاسم السلام،
أو بنيّة يبقى وردة صُلْح بين إنسان وأرض
ادفنوا سلاحكم وصلُّوا!
السلاح ضد المحبة..
والصلاة بالحب فرض.
كما ستصدر دار «تشكيل» للنشر والتوزيع ديوان الأشعار العامية المصرية «من شظايا الحرب» للشاعر محمد فرغلي.
كلام بالوقة
وستصدر دار «تشكيل» أيضا ديوان أشعار بالعامية المصرية للشاعر أحمد شبكة بعنوان «كلام بالوقة».
القصة وما فيها
أما ديوان الأشعار العامية المصرية «القصة وما فيها» للشاعر محمود عبد المنعم، فسيصدر عن دار «المصري» للنشر والتوزيع.
push up
الكدب - لسوء الحظ - براح
ووشوش الناس وأرواحها ف زنقِة حرب
وما حّدش رَبّ
فَ كبني آدمين
كلّنا عايشين
بصدور ووشوش وارواح..
push up
وبرغم إن الكل قالولنا وِماصدّقناش
كل اللي بيربُط بينّا وبين كوننّا ملايكة..
إننا ماحناش!
كما ستصدر دار «الرواق» للنشر والتوزيع ديوان الأشعار العامية المصرية «Push Up» للشاعر أحمد السعيد.
نوستالجيا
وستصدر دار «ضاد» للنشر والتوزيع ديوان الأشعار العامية المصرية «نوستالجيا» للشاعر أحمد شعبان بركات.
أنا وهي
لو عليا
كنت اقدم روحى ديه
كنت اسيب الدنيا ديا
واكتفى ف الحسن بيكى
واروي قلبي من عنيكى
لو عليا
انسحابك جه عليا
كان بيشبه فعل فاضح
لما فجأة دموعى نزلت
كنت فعلا ليها راضخ
والقليب عمال بيصرخ
بس صرخُه مكنش واضح
لو عليا
كنت اشيلك من ماضيه
بس اضمك للسنين الجاية ليا
نفسي اسأل لو سؤال
لما فجأة البخت مال
هو مين فينا الضحية ؟!!!
أما ديوان الأشعار العامية المصرية «أنا وهي» للشاعر محمد كحيلة، فسيصدر عن دار «الراوي» للنشر والتوزيع.
مش إبليس أوي
- شكلك بردان .. ليه استنيت !!
* انا اصلاً غلطان إن انا جيت .. انا واقف م الساعة 111 بتفرج ع الناس المساكين
- على طول مجنون .. الناس حواليك أصلاً مساجين .. شكلك سكران
* لا والله .. مشربتش غير خمرة ريقك من بعد الحضن بتاع السيما فـ وقت الفاصل بين روحنا .. وقت ما بوحنا !
- طب هات إيدك .. أصلك بردان
كما ستصدر دار الراوي ديوان الأشعار العامية المصرية «مش إبليس أوي» للشاعر أحمد أبو العينين.
فلامنكو
وستصدر دار «العلوم» للنشر والتوزيع ديوان «فلامنكو» للشاعرة زينب محمد.
فاي
كما ستصدر دار «العلوم» ديوان أشعار عامية مصرية للشاعر محمد الموجي بعنوان «فاي».
