لو هتجيبلها سلسلة في عيد الحب.. اعرف الأسعار والأنواع

الاكسسوارت من أكتر الهدايا القريبة على قلب البنات، وخصوصا السلاسل، لأنها دايما بتكون لابساها، ومبتحبش تقلعها، فما بالك لو كانت السلسلة هدية من شريك حياتها.

لو ناوي تجيب سلسلة لشريكة حياتك في الفلانتاين.. مصممة الاكسسوارت فطوم حسن هتعرفك في التقرير ده على أبرز الأنواع، وكمان الأسعار.

السلسلة الفضة

البنات بتعشق الفضة، عشان كده مصممة الاكسسوارات فطوم حسن بتقولك، لو عايز تجيب هدية قيمة، وراقية خليك في الفضة، سعرها كويس، ومش هتكلفك كتير.

بس خد بالك، الفضة بردو جرامات، وليها عيارات مختلفة.. يعني وأنت بتختار السلسلة لازم تكون عارف سعر الجرام، ووزن السلسلة، وغالبا مش هتتكلف اكتر من 150 جنيه، دا لو قصيرة، بس لو طويلة ممكن تكلفك 200 جنيه، وبردو على حسب الجرامات؛ دا غير «الدلاية»، لو مش عاوز تدفع كتير ممكن تجيبها على شكل حرف، ومش هتكلف أكتر من 250 أو 300 جنيه.

وممكن كمان تجيب حجر من الأحجار الكريمة، زي الفيروز أو العقيق، بس الأحجاي دي لها سعر تاني، وممكن تلاقي السلسلة وصلت لـ500 أو 700 جنيه؛ على حسب الحجر، وحجمه.

سلسلة نحاس

ودي بقى شكلها مختلف، وبيكون جميل أوي.. وفطوم حسن، بتوضحلك أنه في منه نوعين، نوع لونه أصفر وبيكون شبه الدهب، بس دا ممكن لونه يتغير.. وفي منه اللون اللي مدي على بني شوية، ودا ميزته، أنه مش بيغير خالص.

السلسلة دي سعرها بسيط جدا، ومش بتكلف أكثر من 60 جنيه، بس ممكن تحطلها «دلاية»، شيك، محفور عليها..

وطبعا ممكن برضو تحطلها حجر.. بس الحجر هيغليها شويه، وممكن توصل من 300 لـ600 جنيه.

وممكن كمان تحط صورة، هتزود سعرها من 75 لـ200 جنيه بس.

سلسلة ديكوباج

دي بقى أحدث أنواع السلاسل، ودا أصلا فن فرنسي..

مصصمة الاكسسوارات بتقول لـ«شبابيك» إن فيها بتقص الصورة، وتلصقها على الجلد، وتحط عليها طبقات من الغراء عشان تثبت الصورة، مع بعض التطريزات، أو الكوينز أو الستان أو الخرز الملون، أو اللؤلؤ.. وتمنها بتلاقيه من 75 لـ100جنيه.

وبتضيف فطوم حسن، أن الفن دا ممكن من خلاله نلصق الصورة على الزجاج، أو لوح حشبي.. وفيه منها، المسطح، والبارز.

سلاسل من الفرو

دي برضو غريبة وجديدة زي ما بتقول مصممة الاكسسوارات.. والفرو أهم حاجة في الشتاء، وبيدي للهدوم قيمة عاليه جدا، عشان كده ممكن تقدم لشريكتك في عيد الحب، سلسلة من الفرو، زي ما قالت فطوم حسن.

سلاسل هاند ميد