الورد جميل.. لو هتجيب بوكيه في عيد الحب دي الأسعار والأنواع
«يا ورد من يشتريك وللحبيب يهديك»..
الورد من أجمل الهدايا اللي ممكن تتقدم لشريك الحياة في عيد الحب.. لكن أنواع الورد كتير، وأسعاره متفاوتة، فلو ناوي تجيب في «الفلانتاين» بوكيه ورد، لازم تعرف الأنواع والأسعار.
في الأول كده زي ما بيقولنا بطرس أيوب، منسق زهور، لازم نعرف إن فيه فرق كبير بين الورد البلدي، والمستورد.. الأول بيتزرع في مصر، وعشان الكيماويات، مش هتلاقي ريحته قوية، بس سعره رخيص، عكس المستورد اللي ريحته بتكون حلوة، بس هتلاقيه غالي.. تعالى بقى نشوف إيه أبرز الأنواع الموجودة في محلات الزهور.
انتريم
السعر 20.. وفيه منه اللون الأحمر، والأخضر، والأبيض.
كيرزنتم
سعر الوردة 7 جنيه، وفيه منها جميع الألوان.
كلا
ملهاش سعر محدد.. فيه منها اللون الأبيض، البني الداكن، الأحمر، والأخضر.
اوركيد
سعر العود منها 200 جنيه، وألوانها متعددة.
بيبي اوركيد
سعرها يبدأ من 10 الي 20 جنيه.. وفيه منها اللون الأبيض، والأخضر، الموف، والبينك.
روز
سعرها بيبدأ من 5:50 جنيه، وفيه منها ألوان متعددة.
توليب
يبدأ سعرها من 20 إلى 30 جنيه، وألوانها متعددة.
بلو روز
سعرها من 25 لـ50 جنيه، وهي زهرة مصبوغة
جيربيرا
سعر الوردة من 5 لـ20 جنيه
لليام
سعر الزهرة من 20 :لـ80 جنيه.. وفيه منها ألوان متعددة.
إزاي تحافظ على الزهرة؟
منسق الزهور بطرس أيوب، بيقولكم حطوه في ميه نظيفه، وغيروها كل يومين، وطبعا لازم تفتحوا المسام قبل ما تحطوه في الميه اللي هتجددوها، يعني تقصوا 1 سم من الوردة من تحت كده كل يومين، دا هيساعدكم تحافظوا عليه فترة طويلة.
