سمعني ضحكتك.. ممكن؟ قصيدة بالعامة لإسراء شكري

إسراء شكري السيد، حاصلة على ليسانس آداب قسم الغة العربية جامعة عين شمس.

أهلاً يا فندم مَرحب مدام

يا مسا السعاده والانسجام

طب ليه مكشر قافل حواجبك

اضحك كده ... ايوة تمام

اصل الافاده يا سكر زياده

ان السعاده مش بالكلام

دى بضحكه حلوه مــ القلب طالعه

تنور ف وشك وتزيد جمال

ولا هتفضل فنفسك تعقد

ورجلك تخبط ووشك يفرهد

وتقول آهاااااااات 

يا سيدى سيبك من همومك

عمر الزعل ما بيشفى حال 

طب ايدك اللى سانده خدودك

تقدر تقولى لزمتها ايه

نصيحة مني 

ارفعها لــ اللي خلقك تملي

ترتاح يا بيه

 هتبكي يعنى عــ الفات ف عمرك

ياريته يرجع آااااه يا سلام

طب احب اقولك ان اللى عدا

ماضى و كان

 و كان ده اصله من الزمان

يعنى خلاص

خلص وعدا

وساب مكانه رايق كمان

عشان الفرح يوم اما يجى

يبقى مكانه فاضى و تمام

يقعد يربع ويستربع

يعلب ينَغشك تسيب مفاصلك

مــ الفرحه تضحك

 ضحكك يسمع باقى الجيران

ايه يا أفندي مالك يا والدي

اعذرني يبني فكرت اني

هعيش حياتى كده والسلام 

بس لقيت ان اللي خلقك

 عمره ما ينسى عباده ابدا لأ لأ محااال

صحيح بقولك ... تعالى قرب

اضحك كده ... طيب سلام