#اصطباحة الخميس.. اسمع موشحات أندلسية واتسلطن

صباح الخير والفل.. النهاردة الخميس.. يعني الناس نفسها ترتاح وتفصل عن جو الشغل.. وعشان كدا «شبابيك» هيرشح لكم مود مختلف من الأغاني، اللي تقدروا تفصلوا بيه تماما ويدويكم لعالم تاني.. النهاردة هتسمعوا معانا مجموعة من الموشحات الأندلسية.

الموشح هو في الأصل فن شعري أندلسي.. ابتكره أهل الأندلس بعد الفتح الإسلامي، مزجوا فيه بين اللغة والشعر العربي، وأساليب الشعر الأوروبية القديمة جدا واللي كانت شائعة في أوروبا في العصر ده.. وبعد كدا كلمة «موشح أندلسي» بقيت تتقال على نوع معين من الشعر بيسير على نفس النظام اللي ابتدعه الأندلس، حتى لو كان اللي ألف القصيدة دي مش أندلسي بالمرة.

أشهر موشح أندلسي معروف هو «لما بدا يتثنى» اللي مطربين كبار غنوه لروعته وجماله. تعالوا بينا نتعرف على الفن الجميل ده، واحكموا بنفسكم.