عمرو يوسف لطلاب عين شمس: أكتر إفّيه بقوله لصحابي«قبيح»

استضافت أسرة «فيوتشر»، بكلية التجارة جامعة عين شمس، الفنان عمرو يوسف، بمدرج النوري، اليوم الأربعاء.

ووجه عدد من طلاب كلية التجارة، الأسئلة للفنان عمرو يوسف، خلال الندوة، منها:.

شغلك بيثملك ايه؟

أجاب بموقف أينشتاين لما سألوه عن عبقريته فقالهم90% منها شغل.

بتشوف نفسك في الأدوار اللى بتعملها؟

 مفيش ولا دور من اللى عملته شبهي لكن في حاجات قريبه لقلبي لأن الوقفه قدام الكاميرا هي تمثيل في الآخر.

اكتر افيه بتقوله وسط صحابك ؟

لا ده قبيح.

طقس بيقوم بيه عمرو يوسف قبل كل شغل؟

السفر ويجب على الجميع أن يسافر حتى نستطيع تفرغ دماغك وأخذ قسط من الاستجمام.

مين اللى آمن بيك عشان توصل للمكان ده؟

أول واحد كان محمد فوزي المخرج اللى ادالى الفرصة، وأستاذ نور الشريف كان بيدعمني ويقف جنبي.

اكتر ممثل بيضحكك؟

هنيدي واحمد حلمي كريم عبد العزيز وطبعا الزعيم عادل امام.

أول مرتب اخدته؟

١٠ الآف جنيه من الدالى واتصرفوا ع المسلسل في المواصلات واكله وشربه والفلوس ف الاول مش كل حاجة.