خروجة الخميس.. عروض مسرحية وحفلات غنائية
النهاردة الخميس يعني لازم تنتهز فرصة أنك خلاص راجع الشغل الأسبوع الجاي بعد إجازة العيد وتنزل تتفسح فيه أي فسحة ولو كنت محتار تروح فين هنقترح عليك بعض الخروجات.
يوم أن قتلوا الغناء
هتتعرض المسرحية الساعة 8 بالليل على مسرح الطليعة. المسرحية من تأليف محمود جمال واخراج تامر كرم.
عنوان المسرح: العتبة أمام محطة مترو العتبة وبجوار سور الأزبكية خلف جراج العتبة.
أم كلثوم
ثومة هتغني أجمل أغانيها وده في اطار مسرح الساقية للعرائس بمسرح الحكمة في ساقية الصاوي والحفلة هتكون الساعة 8 بالليل.
سعر التذكرة 20 جنيه.
فرقة الموسيقى العربية للتراث
الفرقة هتعمل حفلة الساعة 8 بالليل على المسرح المكشوف بدار الأوبرا المصرية وهتقدم من خلالها مجموعة من أغاني الزمن الجميل.
