«فرقعة بالونة» تتسبب في رسوب طلاب بحقوق الإسكندرية.. إليكم القصة
عرض الإعلامي معتز الدمرداش، فيديو لأستاذ جامعي بمادة القانون الجنائي في كلية الحقوق جامعة الإسكندرية، يوبخ طالب أثناء المحاضرة، ثم يتوعد الدفعة كاملة بالرسوب بسبب «فرقعة بالونة» في المدرج أثناء المحاضرة، قائلاً: « الطالبة اللي فرقعت البالونة؛ وديني لأدفعك تمن الحركة اللي عملتيها مش ليكي إنتي بس للدفعة كلها».
قالت إحدى طالبات الدفعة الراسبة شيماء، خلال مداخلة تليفونية مع الإعلامي معتز الدمرداش في برنامج «90 دقيقة»المذاع عبر قناة المحور، إن أستاذ المادة ظلم دفعة كاملة بسبب خطأ غير مقصود، موضحة: «لما دخل مكانش وقت محاضرته وكنا في بريك، لما عرف إن الدكتور اللي قبله خلص المادة اضايق لأنه لسه في نص الكتاب، فبدأ بالطالب اللي كان بيشرب شاي وأهانه وقاله أقطع إيدي لو مكنتش بتتعاطى شكلك بيقول كدا».
وتابعت: « قبل ما يدخل كنا بنحتفل بالفوتو داي، في اللي لحق يفك بالونته وفي اللي سابها منفوخة، والبنت اللي بالونتها فرقعت كانت قاعدة في أول كرسي والبلونة طارت منها ففرقعت في مسمار، يبقى ذنبنا ايه نشيل المادة واحنا بنجيب تقديرات».
وأضاف رئيس اتحاد طلبة حقوق الإسكندرية إبراهيم الهادي، في مداخلة تليفونية، إنه من الدفعة التي رسبت حيث حصل على 4 من 20، كما حصلت كل الدفعة تقريبًا على نفس الدرجة، مما دفع إدارة الكلية لخفض درجة النجاح إلى 5 درجات.
