خروجات.. حفلات غنائية وعرض الرخص كله في الساقية

نفسك في خروجة ومحتار تروح فين؟ احنا جبنالك مواعيد وتفاصيل عروض خروجات في القاهرة هتبسطك.

حفل فرقة التنورة

مكتبة مصر الجديدة العامة هتنظم رحلة لوكالة الغوري اللي هتستضيف حفل فرقة التنورة التراثية الساعة 5 مساءً.

العرض هيكون فيه 3 فقرات: (استعراض للفرقة وإمكانياتها، عرض تنورة صوفية وفرقة مزمار وعرض الثلاث تنورات مع كل الفرق).

التجمع فى المكتبة الســاعة 4:30 والتحرك الســاعة 5، وقيمة الرحلة 50 جنيه لأعضاء المكتبة، و60 جنيه لغير الأعضاء.

والحجز من خلال المكتبة 42ش العروبة- أمام فندق الميريديان- صلاح سالم- مصر الجديدة أو رقم التليفون 01142464426.

الساعة 7:30 على مسرح الحكمة في الساقية هيكون فيه مسرحية الرخص كله من أداء فرقة حسين محمود.

أسعار التذاكر 25 جنيه لأعضاء الساقية و30 جنيه لغير الأعضاء وتقدر تحجز من هنا.

والساعة 8 فرقة أفرونوبيا هتقدم حفل موسيقي على المسرح المكشوف بدار الأوبرا، وسعر التذكرة 35 جنيه.