«شبابيك» ينشر توثيق واقعة طرد طالبات منتقبات بجامعة المنصورة وتهديدهم بالقتل
طرد أستاذ بقسم اللغة الإنجليزية في كلية الآداب جامعة المنصورة، محسن جبر، طالبة منتقبة من قاعة المحاضرات، وهددها بـ«الرمي من الشباك» في حالة حضور المحاضرات بالنقاب.
شبابيك ينشر التسجيل الصوتي لواقعة طرد الطالبة المنتقبة.
نص التسجيل:
الدكتور محسن جبر:
- ثم إيه اللي مدخلك الجامعة كده وانتي مغطية وشك، مينفعش، مينفعش تخشي كده، إيه رأيك؟
الطالبة المنتقبة: مينفعش ليه يا دكتور
الدكتور محسن جبر:
- متجوش تاني بالطريقة دي
- مينفعش تيجي وانتي مخبية وشك، معرفش انتي مين، ولد ولا بنت هو فيه إيه؟ مش هدخلك أنا المحاضرة، يلا اتفضلي، يلا اخرجي، متجيش تاني.
- أنا بقولك أهو لو جيتي تاني هرميكي من الشباك، امشي، وكل البنات دي يلا اتفضلوا هو فيه إيه، مين اللي سمحلكوا تخشوا؟.
- يلا يا آنسة معاها، أنا عارف إيه اللي بيحصل في البلد دي، هو فيه إيه؟.
- جيبولنا طالبان هنا بقى وخلاص، إيه دول؟ مين الناس دي؟ كل دول في فرقة واحدة؟.
وأحالت الكلية الواقعة للتحقيق، بحسب ما صرح مصدر مسئول بالجامعة لـ«شبابيك».
وفي 2010 صدر قرار بفصل الدكتور محسن جبر الذي كان يتولى منصب وكيل كلية الآداب بقرار من رئيس الجامعة في ذلك الوقت، الدكتور أحمد شهاب الدين، لتلاعبه في نتائج امتحانات طالبة على مدار 3 سنوات لإبعادها من التعيين بالكلية بمساعدة عميد الكلية، بحسب ما نشره اليوم السابع بتاريخ 14 أغسطس 2010.
