لطلاب 3 ثانوي.. الفيزيا والكيميا هيبقوا أسهل مع المدرسين دول

إذا وجدت صعوبة في فهم بعض الأجزاء في الفيزياء أو الكيمياء، ولا تُتاح لك فرصة كافية للاستفسار من أستاذك عن كل جزئية تجد صعوبة فيها.. فإليك بديل أفضل يمكنك الاستفادة منه.

يرشح لك شبابيك أفضل الأساتذة في المادتين على موقع اليوتيوب، من خلال الاستعانة بتجارب عدد من الطلاب.

الفيزياء

• محمد عبد المعبود

وفقا للعديد من الطلاب فهو يتميز بأسلوبه المبسط في الشرح وحل الأسئلة.

ويقول الطالب بالفرقة الأولى بالمعهد الفني الصحي بأسيوط، عمر صلاح: «أستاذ محمد عبد المعبود ده عبقري فيزيا واللي مش هيتابعه وهو حتى بياخد درس هيندم، أنا استفدت منه كتير قوي وأنا في 3 ثانوي لأنه بيبسط المعلومة جدا، وبصراحة جربت غيره بس مكنش في نفس المستوى بتاعه أبدا».

أما الطالب بالفرقة الأولى بكلية الهندسة عبد الرحمن سعيد يؤكد: «أستاذ محمد عبد المعبود بيحل بطرق ممتازة، المدرسين اللي كنت باخد معاهم كانوا بيتجهلوها، عشان كده المفروض تبدأ معاه من البداية».

للوصول لفيديوهات أستاذ محمد عبد المعبود اضغط هنا

• محمد إدريس

ينصح الطالب بجامعة القاهرة أحمد حامد بمتابعة فيديوهات محمد إدريس، بجانب فيديوهات محمد عبد المعبود في مادة الفيزياء، موضحا: «لما كنت في الثانوية كنت بتابع الاتنين، لأن الاتنين ممتازين وبيكملوا بعض، لكن الأفضل تتابع إدريس الأول لما تكون هتذاكر الدرس لأول مرة لأنه بيشرح جزء جزء وبالتفصيل، وبعده اسمع عبد المعبود لأنه بيشرح بتوسع أكبر وبيحل أفكار عالية».

لمشاهدة فيديوهات أستاذ محمد إدريس اضغط هنا

الكيمياء

• رمضان غلاب

يعتبر أفضل مدرس للكيمياء على يوتيوب على الإطلاق وفقا للكثير من الطلاب، تقول الطالبة بالفرقة الثانية بكلية التربية جامعة سوهاج لـ«شبابيك»: «أستاذ رمضان غلاب أفضل مدرس كيميا على يوتيوب، أنا تابعته أنا تابعته في العضوية لحد ما خلصت وبالنسبة ليا كانت سهلة جدا وتافهة»

وتضيف: «كمان فصل الحساب الكيميائي بيشرحه بطريقة حلوة جدا ومبسطة خلتني افهمه بسهولة، غير إن أسئلته كلها موضع امتحان، لما كنت في 3 ثانوي جبت في الكيميا 56».

لمشاهدة جميع الفيديوهات اضغط هنا

• إيهاب السعيد

من أفضل مدرسين الكيمياء على يوتيوب، للصف الثالث الثانوي، وينصح الطالب أحمد حامد بمتابعته خاصة في الجزء الخاص بالكيمياء العضوية، لأنه يشرحه بطريقة مبسطة جدا تساعدك في استيعابه بسهولة.

لمشاهدة جميع الفيديوهات اضغط هنا

• مصطفى يوسف

يقدم فيديوهات شرح للمادة بالإضافة إلى الفيديوهات الخاصة بالمراجعة، التي يركز فيها على الأجزاء الهامة في المنهج، على رأسها، الكيمياء العضوية.

الطالب «عمر صلاح» أشار إلى أنه لم يتمكن من فهم بعض الأجزاء في الكيمياء من أستاذه في الدرس، فلجأ إلى اليوتيوب وتابع الأجزاء التي يجد فيها صعوبة مع أستاذ مصطفى يوسف حتى تمكن من فهمها واستيعابها جيدا.

ويتفق معه الطالب عبد الرحمن سعيد، الذي يؤكد أنه وفقا لتجربته الشخصية، يعتبر أستاذ رمضان غلاب، أستاذ مصطفى يوسف أفضل مدرسين الكيمياء على يوتيوب، لكن ينصح بمذاكرة الدرس مذاكرة أولية قبل مشاهدة الفيديوهات، لتكون الفيديوهات بمثابة مراجعة على الدرس، ما يساعد في استيعاب وتثبيت المعلومة بسرعة أكبر.

للوصول لفيديوهات  مصطفى يوسف اضغط هنا