دورة لتأهيل البنات على الرقص الشرقي بوسط القاهرة

في بنات كتير بتحب الرقص الشرقي لكن مش بتعرف ترقص، دلوقتي ممكن يتعلموا الأساسيات ويتدربوا عليه، وفي خصوصية كاملة.

هتتعلمي إيه في الكورس؟

صفحة «الناس الرايقة» للفنون، هتوفر كورس كامل للتدريب على أساسيات الرقص الشرقي في 6 حصص، حصة واحدة في الأسبوع ولمدة ساعتين، وكمان بيتم توفير بدل رقص خلال التدريب، وعلشان الخصوصية المكان كله بنات بس وممنوع التصوير فيه.

هتتعلمي في الكورس حاجات كتيرة، ومنها:

• التدريب على الوقفة الصح للرقص الشرقي.

• التدريب على عمل isolation لكل أجزاء الجسم.

• التدريب على الحركات المختلفة للرقص الشرقي لجميع أجزاء الجسم.

• التدريب على تكنيكس متنوعة؛ تقسيم، مودرن، رقص مهرجانات وستريت شعبي.

• في بنات بتعرف ترقص شرقي بس على الواقف، علشان كده هيكون في تدريب على الحركة خلال الرقص.

• كل بنت في الكورس هتصمم رقصة خاصة على كل تكنيك.

ازاي تحجزي في الكورس؟

كورس التدريب على أساسيات الرقص الشرقي بالكامل بـ300 جنيه للبنت الواحدة، والحجز بيكون عن طريق الدفع النقدي أو فودافون كاش.

موعد ومكان الكورس

كورس الرقص الشرقي هيكون في أستوديو عماد الدين، في 18 شارع عماد الدين، وسط البلد جنب محطة مترو أحمد عرابي.

هيبدأ من يوم السبت 9 ديسمبر، من الساعة 6 لـ8 مساءً، ويستمر مرة كل يوم سبت لمدة 6 حصص.

لو عايزة تعرفي أكتر عن الكورس من هنا.