لطلاب 3 ثانوي.. مفيش حاجة صعبة مع «وحوش الجيولوجيا»

إذا كنت طالبا بالصف الثالث الثانوي وتجد صعوبة في فهم مادة الجيولوجيا، إليك عدد من أفضل مدرسي المادة على اليوتيوب يرشحهم لك «شبابيك» من خلال الاستعانة بطلاب استفادوا من شرحهم.

هشام درويش

دائما ما يقدم الأستاذ هشام درويش أثناء الشرح النماذج والأمثلة العملية التي تساعد على توضيح المعلومة بدرجة أكبر ومن ثم يتمكن الطالب من فهمها بسهولة.

الطالب بالصف الثالث الثانوي «خالد كمال» يقول: «تابعت أكتر من مدرس جيولوجيا على اليوتيوب لكن أفضلهم أستاذ هشام درويش، وأكتر واحد فهمت منه، تحديدا باب المعادن مكنتش فاهمه، لكن بعد ما سمعت أستاذ هشام على اليوتيوب فهمته كويس، الميزة فيه أنه بيجيب أمثلة للمعادن والأشكال البلورية والحاجات اللي عندنا في المناهج وهو بيشرح وده بيخليني أفهم أكتر، لأني بشوف شكل المعدن».

ويضيف «خالد»: «أنا مش باخد درس جيولوجيا ومعتمد على الانترنت بس، لأن فيديوهاته شرحها كافي جدا وبفهم منها كويس».

للوصول لفيديوهات أخرى لـ«درويش» اضغط هنا

عادل مرسي

يحاول الأستاذ عادل مرسي تبسيط المعلومة لأقصى درجة حتى يتمكن الطالب من استيعابها بسهولة، الأمر الذي دفع الطالب بالفرقة الأولى بمعهد التمريض بسوهاج «حسام علي» إلى متابعته خلال دراسته بالصف الثالث الثانوي، موضحا: «في ثانوي تابعت الجيولوجيا مع أستاذ عادل مرسي على اليوتيوب، هو في الشرح تمام جدا، لأنه أسلوبه بسيط».

الطالبة بالصف الثالث الثانوي «مي منصور» تتفق مع «حسام» مشيرة إلى أنها تتابع قناته على اليوتيوب، وتستفيد من فيديوهات الشرح وحل الامتحانات الموجودة على قناته واليوتيوب، وتقول «أنا بحب الجيولوجيا».

للوصول لقناة «مرسي» اضغط هنا

جورج ميتري                              

رسومات توضيحية وأسئلة على كل جزئية، هذا ما يميز شرح مستر جورج متري. الطالبة بالفرقة الأولى بكلية التربية جامعة جنوب الوادي «آية عزت»، تؤكد أنها خلال دراستها بالصف الثالث الثانوي حرصت على متابعة منهج مادة الجيولوجيا كاملا مع أستاذ جورج متري على اليوتيوب.

وأوضحت: «هو بيشرح جزء جزء بشكل مبسط جدا وبيحط أسئلة، والأجزاء اللي عليها رسومات بيرسمها بشكل توضيحي غير الكتاب، بيخلي المنهج سهل وبسيط بدل ما هو معقد».

وتتفق معها الطالبة بكلية الآداب جامعة الزقازيق «جهاد شرف»، مؤكدة على أنه يعتبر من أفضل مدرسي مادة الجيولوجيا على اليوتيوب بناءً على تجربتها خلال المرحلة الثانوية.

وأضافت «آية»: «لما كنت ببقى عايزة أذاكر جزئية معينة في المنهج، كنت بكتب في البحث على اليوتيوب اسم الفصل أو الجزء اللي بذاكره عشان أقدر أوصل للفيديو بسهولة».

للوصول لفيديوهات أخرى اضغط هنا