نائب رئيس جامعة عين شمس يكتب: «يعني ايه بتحبي؟»

أشكال مضطربه من الحب...

#يعني ايه بتحبني..

ومفيش لحظه بتمر علينا واحنا مع بعض.

إلا بنتخانق سوا وبنكد على بعض..

وبنلوم بعض وشادين مع بعض...

قولوا لبعض انكم مش بتحبوا بعض..

خليكم انتم الاتنين واضحين مع بعض

وحطوا الامور في نصابها..

ناقر ونقير..

عمرهم ما بيحبوا بعض..

ولا كمان هيحبوا بعض

لأ..دول بيدمروا بعض وهيخلصوا على بعض.

بدل مايبنوا بعض ويقفوا جنب بعض

#يعني ايه بتحبني..

وكل حاجه اعملها كبيرة او صغيره..

بتطلب من تفسريها وتبريرها وتوضيحها

الحب لازم يكون في الاول والاخر ثقة بين اتنين بيحبوا بعض

احنا حبايب..

مش زملا ولا اصدقاء.

يعني احنا الاتنين امتداد وانعكاس لبعض.

لو ضاعت الثقة دي يبقى بلاها حب

يعني ايه في الرايحه والجايه..

كنت فين..؟ وبتعمل ايه..؟ وبتفكر في ايه..؟ ومين قال..؟ ومين عاد؟.. وماذا؟ ولماذا ؟ وأين ؟ ومتى..؟

انتم كده مش بتحبوا بعض..

انتم كده بتطلعوا عقد النقص والشكوك.

اللي جواكم على بعض

#يعني ايه بتحبني وأنت مابتاخدش رأيي

في اي حاجه تخصنا احنا الاتنين.

#يعني ايه بتحبني..

ومش حاسس بتعبي اللي جواي..

اللي مش قادره اتكلم عنه...

#يعني ايه بتحبني..

وانت مقضي كل وقتك مع نفسك حتى وأنت قاعد جنبي.

تحبوا نجيب من الآخر...

#قول انك بتحب إنت..مش بتحب هى

#قولي انك بتحب انت..مش بتحب هو

#الصراحه راحه ياجبان منك ليها

#كفايه ضحك على بعض..يا ارجوزات

المقالات والمشاركات المنشورة في قسم «شباك» تعبر عن رأي كاتبها، وليس لـ«شبابيك» تدخل في مضمونها