سافر عبر بوابات الزمن.. من هنا
شوفنا كتير من محاولات السفر عبر الزمن في الأفلام، وارتبطت الفكرة في ذهننا إنها خيال علمي للتشويق مش أكتر، لكن الحقيقة إن فيه حكومات خصصت مليارات للأبحاث والدراسات عشان اكتشاف نقط السفر في التاريخ.
"شبابيك" بيرصد المحاولات المتكررة لإثبات حقيقة وجود البوابات الزمنية في الحقيقة..
الفراعنة
الفراعنة هم أول ناس اتكلموا عن السفر عبر الزمن.. وثبت ده على بعض أوراق البردي اللي لقوها في مقابرهم.. الأمر بالنسبالهم كان بيتخلص في إن فيه بوابات بتنقل الناس لكواكب وعوالم تانية برة الأرض..
وأكدوا ده في بردية بتقول إن "رع" كبير الكهنة كان بيصعد ويهبط للسماء من خلال دايرة معدنية بيسموها "بوابة الجحيم" .
اختفاء الطائرة اليابانية
في العصر الحديث في روايات زعم فيها أشخاص أنهم فقدوا أيام من حياتهم.. بعد ما شافوا أطباق طايرة.. ومنهم من قال إنه اتخطف من كائنات غريبة.
لكن كل ده كلام من أشخاص يحتمل الخطأ والصواب.. لكن الأغرب كان في سنة 1967.. الحكاية إن في طيارة يابانية دخلت غيمة غريبة.. بالنسبة لسرعة الطيارة كان المفروض إنها تخرج منها بعد ثواني أو لحظات.. وفجأة سكنت كل حاجة جوة الغيمة وتخيل الطاقم والركاب إنهم هيفضلوه في الوضع ده للأبد.. وبعد 3 ساعات خرجت الطيارة من الغيمة ومحدش فاهم حاجة.. وهل دي غيمة كبيرة كانوا ماشيين جواها ولا كانوا واقفين فعلا.. بعد وصولها لمطار سياتل في أمريكا اكتشف الركاب أنهم تأخروا 3 ساعات فعلاً عن ميعاد الوصول الطبيعي.
المعروف إن الزمن توقف بالطيارة وكل الموجودين فيها.. لكن إزاي ؟.. ده السؤال اللى محدش فاهمه لحد دلوقتي..
بوابة القطب الشمالي
أقرب حاجة محيرة بخصوص السفر عبر الزمن كان في 1996، وهي زيارة بعثة بريطانية للقطب الشمالي لدراسة المتغيرات المناخية هناك.. بدأ الاختبار بإطلاق بالون هوائي مثبه به أجهزة قياسات فوق نقطة محور الأرض.. وربطوا البالون بحبل طويل على أساس سحبه كل 3 أيام لقراءة قياسات الأجهزة.
بعد أول إنزال للبالون كانت المفاجأة بإن تواريخ أجهزة القياسات رجعت لسنة 1965.. اعتبروه وقتها خطأ فني أو عطل في الأجهزة وتم إعادة صيانتها وإطلاقها مرة تانية.. وكانت الفاجأة إنهم لم سحبوها تاني كان التاريخ المسجل سنة 1887م.
لحد هنا ولسه في شك أن تكون هناك بوابات زمنية.. فجربوا إطلاق البالون في أماكن تانية غير النقطة دي.. وكانت ترجع كل مرة بتواريخ مظبوطة.
أفراد البعثة تجاهلوا الأرقام والتواريخ وكل حاجة.. إلا أن العلماء المؤمنين بالسفر عبر الزمن أعلنوا عن وجود بوابات زمنية في نقطة التعامد على محور الأرض في القطب الشمالي (المنطقة اللي أطلق منها البالون).
المعهد السوفيتي
ستالين رئيس وزراء الاتحاد السوفيتي في الخمسينات كان من أشد المؤمنين بفكرة البوابات الزمنية.. وأمر بإنشاء معهد خاص للبحث عن البوابات دي أو إمكانية صناعتها.. وكلف 10 علماء فيزياء روس بالمهمة دي.. إلا إنهم ماتوا كلهم في انفجار المعهد بسبب عطل في معالج نووي اتعمل وقتها كبوابة زمنية لنقل ستالين وزعماء الاتحاد واتقفل بعدها المعهد .
في سنة 1987 أعادت السلطات السوفيتية فتح المعهد.. وأمرت باستكمال الأبحاث تحت إشراف المخابرات الروسية.. وانفجر بعدها بسنتين لنفس سبب الانفجار الأول.
