نصائح من أستاذ جامعي لأولياء أمور طلاب الثانوية
وجه أستاذ الفلسفة بكلية التربية جامعة قناة السويس، الدكتور حسين عبد الفتاح، نصائح لطلاب لثانوية العامة وأولياء أمورهم، في الفترة التي يستعد الطلاب لتسجيل رغباتهم في تنسيق الثانوية العامة.
وجاءت نصائح أستاذ الفلسفة للطلاب وأولياء الأمور على النحو التالي:
لكل أب وأم لا تفكروا بأنانية تجاه أبنائكم وتتمنوا انكم تشوفوا فيهم اللي عجزتم عن تحقيقه.
اترك ابنك يختار، متخليش حتى مجموع الثانوية العامة يختار له كليته أو إن مكتب التنسيق يحدد مستقبله.
متستخسرش مجموعه الكبير فتدخله طب أو هندسة أو صيدلة بالعافية، وهو يكون عايز يدخل فنون جميله مثلاً. أترك له الاختيار حسب ما يحبه ويميل له ويجيده.
لكل أب وأم ابنهم جاب مجموع قليل في الثانوية: ابنك بعد ٥ سنين لو سبته يختار اللي يحبه وعلى قدر مستواه ممكن يكون أحسن من اللي دخل طب.
المستقبل والنجاح غير قاصر على فئة واحدة من فئات المجتمع ولا مهنة واحدة. كلنا محتاجين بعض. المهم مين يتفوق في مهنته.
لكل أب وأم معاهم فلوس وحاسين إن المشكلة كلها ممكن تتحل بدخول ولادهم جامعة خاصة بفلوسهم، حرام عليك ابنك انت متعرفش اللي جاي إيه، احتفظ له بفلوسه وعلمه الاعتماد على نفسه ودخله على قدر قدراته أي حاجه يحب يكمل فيها وساعده بالفلوس دي في بداية حياته.
الصيدليات مش ممشيها الصيادلة والأطباء بدون عيادتهم مش هيعرفوا يعيشوا وخريجين كليات تانية كتير بجيد جدا وامتياز مش لاقيين شغل بشهاداتهم.
لكل أب شايف ابنه أو بنته احتمال ما يقدرش أساساً يدخل ثانوية عامة أو يمكن يسقط فيها كتير أو مايجيبش مجموع كلية بعدها.
انصحوا أبنائكم لكن اشركوهم في مسؤولية اختيار مستقبلهم.
متخلوش المجموع أو تنسيق الثانوية العامة يحدد مستقبل أبنائكم.
واختتم الأستاذ بجامعة قناة السويس، أنه كان يتمنى الالتحاق بالثانوية الصناعية قسم كهرباء أو الكترونيات، لولا رفض قاطع من الوالد، فمع تربيته وتخريجه لأبناء منهم المهندس والصيدلاني كان يرى أن ذلك تقصير في حقه.
