5 ألغاز حيرت العالم ومازالت
رغم اللي وصل ليه الإنسان من تقدم فى مجال العلوم والبحث والدراسة، إلا إنه بيقف عاجز فى مواجهة بعض الألغاز، فيه منها تم حل جزء من شفراته ولكن فيه أسأله كتير وقفت تتحداهم بخصوص الألغاز دى، ممكن دى تكون أول مرة تتعرف معانا على أغرب 5 ألغاز حيرت العالم:
- خطوط نازاكا
هى عبارة عن مجموعة من الخطوط الكبيرة وصلت مساحتها لـ 80 كيلومتر، اكتشفها العلماء على سلاسل جبال جنوب البيرو ونسبوها لحضارة النازاكا القديمة، الغريب فى الخطوط دى إنها مجموعة من الرسوم لبعض الحيوانات والطيور، والأغرب إن فيه رسوم منها وصلت لـ 250 متر بدقة عالية.
- طريق بيمينى
هو طريق تم اكتشافه تحت الماء من حوالى 50 سنة بالظبط، الغرابة فى الطريق إنه مافيش سبب يدعو لأن حد يعمله اصلاً.. الطريق على عمق 5 أمتار من جزر البهاما وطوله تقريباً 800 متر، البعض قال إنه من صنع الطبيعة ولكن وجدوا حاجات بتؤكد إنه صناعة بشرية، السؤال: إزاى عملوا الطريق ده فى قاع المحيط من 2000 سنة وأيه الفايدة من وراه ؟
- مخطوطة فيونتيتش
هى مجموعة من المخطوطات تم اكتشافها فى القرن الـ 16، وموجودة فى جامعة (يال) الأمريكية، وبتشكل تحدى خاص لكل دراسى اللغات حول العالم، لأنه لحد دلوقتي محدش قدر يكتشف الغة المكتوب بيها المخطوطة، بتضم صور طبيعية وأشكال ورموز موجودة فى الطبيعة.
والسؤال أيه هى اللغة اللى اتكتبت بيها المخطوطة ؟
- الكاليت تورينو
هو قطعة من الكتان بيعتقد إنها الكفن اللى تم وضع المسيح فيه قبل دفنه، ظهر التردد والاختلاف حول حقيقته.
حاليا هو موجود بكاتدرائية مدينة تورينو الإيطالية، من لحظة اكتشافه فى القرن الـ16 والدراسات شغاله عليه منها انتى إلي إنه كفن المسيح ومنها اللي نفى ده، ولحد دلوقتي مفيش إجابة واحدى على السؤال.. هو ده كفن المسيح فعلاً ولا لأ ؟
- خريطة بيرى ريس
تم اكتشافها سنة 1919 فى متحف بتركيا، وبيعود تاريخها لـ 1517 م وملكيتها للبحار التركى أحمد محي الدين بيرى.
الخريطة ضمت الأمريكتين قبل اكتشافهم بقرون وكمان أماكن زى القطبين والقارة القطبية، المحير فى الخريطة إنها اترسمت بدقة شديدة جداً بتوصل لدرجة تصوير الأقمار الصناعية حالياً.
السؤال هو مكتشف العالم الجديد هو القبطان البحرى التركي "بيرى" مش كولومبوس؟
