هذه الأشياء تكرهها المرأة أثناء خروجها مع زوجها

مفيش ست مبتحبش تخرج مع جوزها وتتفسح.. أي خروجة والسلام بالنسبالها أفضل من قعدة البيت، بس فيه شوية حاجات بيعملها الراجل تجنن الست وتخليها مش مرتاحة، خاصة وان التصرفات دى بتكون فى الشارع قدام الناس. لو متجوز وعايز تعرف إيه التصرفات اللي فيه أجماع من كل الستات على  إنها بتعكنن عليهم، اسمع يا سيدي:

• أى لبس والسلام

كتيرمن الستات بتاخد وقت كبير فى أوضتها قبل الخروج، وتقعد قدام المراية  بالساعات تحط الميك أب وتظبط شعرها، وتاخد كام ساعة كمان تنقى اللبس اللى يناسب الخروجة، ولما تخلص شياكتها بتستنى تشوف الراجل لبسه يكون يليق بشياكتها وأناقتها.. لو أنت لابس أى لبس والسلام هتكون متعكننه في الخروجة بس مش هتقولك.

• التأخير

من الطبيعى والمعروف أن الراجل بيستنى الست، ولكن لو استنتك هى ده شئ مش طبيعى. تخيل كده أنها تقف فى الشارع يعاكسها اللى رايح واللى جاى من اليمين والشمال، وهتبدأ تمل وتزهئ بمجرد تأخيرك عليها حتى ولوربع ساعة،  وده هيخليها متضايقة ومتنرفزة طول وقت الخروجة.

• تصرفاتك فى الشارع

مفيش ست بتحب الراجل يتعامل معاها وكأنها طفلة، مثلاً وقت ماهما ماشيين فى الشارع أو بيعدوا الطريق، ويتنرفز على أتفهه الامور،  ولو مشيت مثلا جنب قهوة قاعدين عليها رجال يبقا غلطت غلطة عمرها.

• المعاكسة

المعاكسة  دى بقا من أكبر الخطايا والذنوب، وأكثرها لعنة على العلاقة بين الراجل والست ومن الممكن تمحى العلاقة بينهم. إنك تبدأ بنظرات الشهوة والمعاكسة لبنت تانية وأنت قاعد مع مراتك دي مصيبة، وهتبقى أم الكوارث لو نطقت كلمة عبرت بيها عن إعجابك بجسم البنت او شكلها، العادة دى تكرها كتير من الستات فى الرجال وممكن تحسسها بالنقص وعدم الثقة فى نفسها.

• البخل

طبعا البخل فى الراجل من أكتر الصفات كراهية مفيش ست تقدر تستحملها،  لأنه من الصفات الغير مستحبة،  فمتتصرفش معاها ببخل ياعنى لو احتاجت حاجة بأمكانك شراءها هاتها ، عشان ميتكونش عندها أحساس البخل تجاهها.