رئيس جامعة القاهرة للطلاب: «العبوا كويس»

وجه رئيس جامعة القاهرة، الدكتور محمد عثمان الخشت، نصيحة لطلاب الجامعة؛ لتخفيف التوتر قبل بدء امتحانات الفصل الدراسي الأول من العام الجامعي 2018-2019.

وقال الخشت في منشور له عبر صفحته الشخصية بموقع التواصل الاجتماعي «فيس بوك»، إن اللعب لمدة قليلة بعد المذاكرة يجدد النشاط الذهني، ويساعد على مواصلة المذاكرة بتركيز أكبر.

وأضاف الخشت: «لما كنت طالب زيكم كنت بذاكر كويس جدا وبلعب كويس جدا، ولم يكن هناك تعارض بين المذاكرة واللعب، وكنت بلاقي ان استيعابي بقى أفضل، والضغط العصبي بقى أقل، خاصة لو كنت تنافس على المركز الأول على الدفعة».

جاء ذلك قبل أن يعلن رئيس الجامعة عن حفلتين للموسيقار عمر خيرت يومي الثلاثاء والأربعاء المقبلين، مجانا لجميع الطلاب.

وداعب الخشت الطلاب قائلا: «نوع هيقول: شايفين اهو رئيس الجامعة كان بيلعب، ودول أنا عارفهم كويس أوي، اللعيبة اللي مبيذاكروش غير آخر السنة ودول إن شاء الله سوف أحولهم مكتب، ونوع هيقول احنا هنذاكر فقط، لكن أنا بقولكم جربوا تذاكروا وتريحوا شوية بموسيقى عمر خيرت ونشوف النتيجة هتبقى إيه؟».