السيسي يتحدث عن إجراء انتخابات رئاسية مبكرة «يوم السبت» في حالة واحدة
تحدث الرئيس عبدالفتاح السيسي عن الكواليس التي سبقت قرار تحرير سعر الصرف ضمن برنامج الإصلاح الاقتصادي في نوفمبر عام 2016، وعن حديثه للحكومة أثناء مناقشة اتخاذ القرار.
وأوضح السيسي خلال فعاليات المؤتمر الوطني للشباب في دورته السابعة، أنه كان بصدد إجراء انتخابات رئاسية مبكرة، في حال رفض الشعب هذه البرنامج الاقتصادي: «الكل كان متحسبًا، مش بزكي نفسي، أنا قولتهلم لأ، قلت الحكومة تجهز، لو الشعب رفض تقدم استقالتها يوم الخميس، ولو الشعب رفض يوم السبت هعمل انتخابات رئاسية مبكرة واسلم الدولة لحد تاني، يا نبني بلد مظبوط ونحل مظبوط يا نسيبها ونمشي».
وقال الرئيس: «كل الزملاء في نوفمبر 2016، وإحنا بناخد قرار الإصلاح الاقتصادي كانوا متحسبين جدًا لرد الفعل، والكل في التصويت كان خايف.. دي بلدنا ونخاف عليها لو حصل حاجة لا قدر الله تنهار وتتدمر».
وجدد السيسي شكره للشعب المصري: «علشان كده بقول أنا شديد العرفان بجميلكم، لأن في النهاية لما كنت بزور أي دولة رد فعلكم على الإصلاح الاقتصادي كان محل تقدير شديد ليا، والناس ساكتة ومستحملة، ودا كان شرف ليا .. تحملكم شرف ليا.. النتائج بفضل الله أفضل وهذا كان أملي في الله، مش ممكن الإخلاص والعمل والعلم في تناول المسائل لابد أن تكلل بالنجاح».
