رئيس التحرير أحمد متولي
 شوف «الأخوات المحبوبات» في «جوتة» ببلاش

شوف «الأخوات المحبوبات» في «جوتة» ببلاش

لو أنت من الي بيحبو الأفلام المختلفة، زي الأفلام الوثائقية أو الروائية يبقي كمل قراية، لأن عندك فرصة تتفرج على أفلام عربية وأفلام ألمانية بترجمة عربي في معهد جوتة ببلاش.

مبدئيا لو متعرفش معهد جوته، فهو المركز الثقافي الألماني في القاهرة، وعشان توصلو من ميدان التحرير هتمشي شارع طلعت حرب وهتدخل أول شمال (شارع البستان)، هتلاقي معهد جوته على الشمال جمبمحطة البنزين اللي في الشارع.

نروح بقى للأفلام وتفاصيلها ومواعيدها:

"الأخوات المحبوبات"

1

فيلم "الأخوات المحبوبات" أو "Beloved sisters " هو فيلم روائي ألماني مصحوب بترجمة عربية، وهو يلم مرشح إن ياخد حائزة الأوسكار السنة دي.. ممكن تشوف تريلر الفيلم بالضغط  هنا

الفيلم بيحكي عن حياة شاعر ألماني رومانسي اتجوز واحدة من أختين من عيلة غنية لكن عيلتهم أفلست.. الأختين متعودين يقسمو كل حاجة بينهم  ودا يشمل الزوج كمان وبتدور صراعات مابين الأختين والزوج علي خلفية الثورة الفرنسية في القرن الـ18.. الفيلم خد اكتر من جايزة (جائزة الفيلم الألماني 2015- جائزة لولا لأفضل ملابس - جائزة لولا لأفضل ماكياج ).

- الفيلم هيتعرض يوم 16 نوفمبر، ٧ مساءً ، ومدته 134 دقيقة

تروبوليس الأفريقية/عواصم أفريقية (African Metropolis)

2

دي مجموعة أفلام وثائقية و روائية بترجمة عربية وانجليزية من مخرجين أفارقة.. هي ٦ قصص من ٦ بلاد أفريقية:

عودة للوطن  نيروبي ⇐  المخرج: جيم تشوتشو   ١١ دقيقة

الكهف  القاهرة   المخرج: أحمد غونيمي ٢٢ دقيقة

الإصطفاف لاغوس  المخرج: فولاساكين إيواجومو ١٣ دقيقة

المرأة الأخرى  داكار  المخرج: ماري كا  ١٢ دقيقة

كي تطرد الأشباح  أبيدجان  المخرج فيليب لاكوت  ٢٠ دقيقة

بيريا  جوهانسبرج  المخرج: فينسنت مولوي   ١٣ دقيقة

- مجموعة الأفلام دي هتعرض يوم 23 نوفمبر ، ٧ مساءً.. مدة العرض ٩٢ دقيقة

"أوضة الفيران" 34

فيلم فيلم "أوضة الفيران " أو "The mice room: هوعربي مستقل وليه ترجمة انجليزي.. عشان تشوف التريلر اضغط  هنا

جملة "أوضة الفيران" دايما بيستخدمها الأباء لتخويف أبناءهم، الفيلم دا متصور في مصر، وبيتكون من قصص كل واحدة فيهم بتتكلم عن نوع من أنواع الخوف  وإزاي كل شخصية في الفيلم عندها مخاوف معينة حتي لو خوف من حاجات صغيرة جدا زي أنك تكون خايف تعدي الطريق.

الفيلم هيتعرض يوم 14 ديسمبر 2015 ،٧ مساءً، مدته 85 دقيقة.

لو قررت تدخل فيلم من الأفلاد دي، متقلقش الدخول مجاني مش محتاج تحجز قبل ما تروح ، بس روح بدري عن ميعاد الفيلم عشان تلاقي مكان :) .

منة مدحت

منة مدحت

صحفية ومترجمة مهتمة بالكتابة في ملف العلاقات والثقافة الجنسية