لو الحب مش «fake».. فكر بره الدبدوب
المصرى دايما مُختلف ولازم يسيب علامته. بقينا الدولة الوحيدة إللى بتحتفل بعيدين حب ! الموضوع الصراحة بقى مرهق للجيب وللقلب فتحس إن كل الأفكار إتهرست ولأ وكمان بقى فيه relationship goals ماليه الفيس بوك ! فالموضوع بقى معقد حبتين تلاتة وبقى روتين.
وعشان تخرج من الجو الـfake بتاع الدبدوب، ولأن كل إنسان وليه مفتاح يبهره، خد عندك كام طريقة تحتفل بيهم ومتخسرش كتير.
أقصر طريق
أقصر طريق لقلب أي بنى آدم معدته مش الراجل بس، وفـ جو زي بتاع النهارده فعندك اختيارات كتير بس عشان تبقى في الأمان. كل البنات بتحب الشاورمة والبيتزا والباستا، عليك إنت بس تختار المكان إللى هيا بتفضله.
ولو مصمم تجيب هدية في جزء كده فى سوبر ماركت مترو مليان شكولا ممكن تدخله و تختار نوع لطيف و هتلاقى بأسعار حلوة. ولو عايز إنبهار النهارده مطعم "عيش وملح" فى وسط البلد عامل عشاء مع موسيقى الــJazz بالحجز من 7 لـ 9 مساء.. للحجز والتفاصيل اضغط هنا
الكتب
البنات أغلبهم بيحب الرومانسية أو الخيال عامة أيا كان نوعه. حاول تختار كتاب موضوعه قريب من دماغها أو فيه فكرة أو الناس شكرت فيه، واكتب عليه كلمة لطيفة.
الصور و الذكريات
البنات بتحب الولد إللى فاكر التفاصيل.. فكرة إنك مش ناسى دى بتبهرها، جمع صوركوا فى صورة واحدة وإعملها بوست على "فيس بوك" طويل عريض عن كل ذكرياتكوا وأد إيه هيا فرقت معاك.
الإكسسورات
ملكش دعوة بالجزء ده أصلا عشان أى هدية هتجبيها هتسئلك عرفت منين وأنت أخرك سئلت البائعة وهى جابت إللى عاجبها أو هتتخم فيه و مش هيعجبها، الأمان الوحيد فى الموضوع ده الــperfumes .
5 دقايق
لو إنت مش مخطط لحاجة معينة، ممكن الإقتراحات إللى فوق تساعدك.. فكر لمدة خمس دقايق وحاول تفتكر إزاى تنفذ أى فكرة منهم بطريقة تناسب شريكة حياتكوميمنعش لو زودت وردة أو اتنين مع أى فكرة . وأسهل حاجة دور على أى relationship goal عاجبها وحققه .
