3 خروجات هتبسطك في الـ«weekend»

لو أنت من محبى الاستمتاع بجو الشتاء والتجول فى القاهرة، «شبابيك»  هترشحلك 3 طرق للاستمتاع بالطقس فى عطلة نهاية الأسبوع.

تعالى نشوف ممكن تعمل إيه في الـweekend الأسبوع ده:

 إجرى مع Cairo Runners

  الجمعة 6 نوفمبر "كايرو رانرز" هيعملوا جرية فى الزمالك بالتعاون مع مؤسسة إسمعنى كنوع للتوعية بمشكلة فقدان السمع عند الأطفال فى مصر وتوعية الأباء بأهميه الكشف المبكر.

التجمع عند مركب إمبريال الساعة ستة إلا ربع و المسافة 4 كيلومتر. كل  إللى عليك جهز "بلاى ليست" وجمع كل أصحابك أو العيلة واستمتع بالزمالك فى الصبح .. لو عايز تعرف تفاصيل أكتر عن الفعالية إضغط  هنا

12190927_844496589005160_4441732943989800293_n

اركب "بسكلته"

يوم السبت 7 نوفمبر فريق "بسكتلة" عامل رايد بالعجل "جولة"  الساعة 7 الصبح.. التجمع هيكون عند فرع "بسكلتة" فى شارع الخليفة المأمون فى مصر الجديدة  الساعة 7 صباحا و التحرك الساعة 7.30.

اليوم هيتضمن أكتر من رياضة مع ركوب العجل. التذكرة لأصحاب العجل 35 ج، وبدون عجل 55ج  شاملة ( الدراجه الفيستا-الخوذه-ورسم دخول قاعه البولينج الدوليه –البولينج).

لحجز التذاكر من فروع بسكلتة وتفاصيل أكتر أضغط  هنا .

مشي ونوستالجيا 

جولة وسط البلد هو حدث إسبوعى ترعاه شركة الإسماعيلية للإستثمار العقارى للتجول فى شوارع وسط البلد مع الدليل السياحى للجولة وهو المؤرخ و المصور أحمد البندارى.

التسجيل فى الجولة بيكون من خلال الموقع الخاص بالجولة وبدون رسوم أو تذاكر..  للتعرف على تفاصيل أكتر والتسجيل إضغط  هنا.

آمنة زايد

صحفية ومترجمة مصرية مهتمة بالكتابة في موضوعات السفر والطعام والتعليم بالخارج

ميكس ميديا