الباز: «الدراما وسينما عبده موته صنعت بطل زائف اسمه محمد علي» (فيديو)
وصف الإعلامي محمد الباز، الفنان محمد علي الفار خارج البلاد، بأنه بطل زائف صنعته الدراما الإجرامية في مصر، من خلال الأفلام التي تقدم العنف وتحرض على الإجرام.
وأضاف الباز خلال حلقته ببرنامج 90 دقيقة المذاع على قناة المحور، اليوم السبت: «احنا محتاجين مراجعة نفسنا، لإن بعد ظهور الأجير محمد علي في صورة البطل، كشف عورة كبيرة في المجتمع، حدثت بعد ثورة 30 يونيو، لأن المصريين زمان مينفعش حد زي ده يكون بطل عندهم، بس الشباب شيفاينه انه بيقاوم وبيعارض وإن دي ثورة محمد علي».
وتابع الباز: «ياجماعة الفن والمسلسلات لما يكون البطل فيها عبده موته، لازم يكون محمد علي البطل على الأرض، علشان كده بقول لازم نتواجه على كل المستويات، لما تلاقي داخل السينما بعمل للشباب أفلام بتحرض علي العنف والإجرام، زي كازبلانكا وأولاد رزق ودول أبطال العيال الصغيرة، لازم يطلعوا يحبوا العنف».
وأردف الباز: «الدراما والفن والسينما بيمارسوا دور تدميري لمستقبل هذا البلد بشكل أساسي، وده عيل تافه خارج من أفلام ومسلسلات تمجد المجرمين».
