عمرو أديب يعرض تسريب لقيادي إخواني: «داعش راجعين تاني»
عرض الإعلامي عمرو أديب، تسجيل صوتي قال إنه للإخواني الهارب خارج البلاد هاني صبري، وحصل عليها من الجروبات الخاصة لأعضاء الجماعة.
قال أديب، خلال حلقته ببرنامج الحكاية على قناة mbc مصر، مساء الإثنين: «الإخوان قفلوا الجروب القديم اللي عرضنا منه تسريبات الإخواني الهارب هاني صبري، وتم عمل جروب جديد، لكن تم اختراقه أيضا، وحصلنا على التسجيلات».
وتابع أديب: «حلوة وعجباني دماغك ياهاني، هذا التسريب يشكف الإخوان عاوزين يعملوا ايه في البلد، هو معركته على الفيس بوك، الهاشتاج المعارض للرئيس تم عمل تحليل له وكشف عن تواجد 20% من داعش، داعش هتظهر تاني».
وجاء في التسجيل المسرب الذي عرضه أديب: «الإخوة الأفاضل انا هبعتلكم رسالة هنا، لأن الجروب فيه امنجية كتير، ويتم تسريب الرسائل للأمن، الثورة كده كده شغالة وهتنجح إن شاء الله، هنتقابل مع بعض في مصر ونفرح، الرسالة دي مهمة وهي عمل لقاء لمدة دقيقة، عن تقييم أداء السيسي ورأيه في البلد، ويتم تجميع الفيديوهات علشان نوضح للعالم مدى كرة الشعب للسيسي، استبشروا خير، عليكم واجب ديني انكم تكثفوا الدعاء لكشف الغمة عن الوطن شدوا حلكم يارجالة، باختصار الفترة دي عاوزة فيديوهات من الناس كل واحد هيمثل دور المذيع في الشارع في المنطة اللي حوليك قدر الموقف، عارف ناس ضد السيسي اتواصل معاهم كل واحد هيبقي معاه سماعة وتليفون ويعمل لقاءات مع الناس ويبعتها لينا».
