أحمد فلوكس: اللي طلعوا مظاهرات عيال صغيرة مبيعرفوش يتشطفوا أو يدخلوا الحمام (فيديو)
هاجم الفنان أحمد فلوكس، المقاول والفنان الهارب محمد علي، بعد محاولة الأخير هز الثقة بين الشعب المصري والجيش، قائلا: «في حالة الحرب لن نجد محمد على وأمثاله الذين يهاجمون جيش بلادهم».
وقال إن معظم الدول بها مشاكل مش مصر بس، السعودية والإمارات وحتى الدول الأوروبية بها مشاكل، قائلا: «اللي بيهاجموا البلد دول عيال صغيرة مبيعرفوش سياسة أصلًا دول مبيعرفوش يدخلوا الحمام ويتشطفوا وفاكرين أن الشطارة في أنهم يشربوا ويلفوا سجاير ويعاكسوا البنات».
وفي فيديو عبر صفحة على موقع التواصل الاجتماعي «فيس بوك»، اتهم محمد علي، بالنصابن قائلا: «دا حرامي وهربان بالفلوس بره، ولو هو دكر ييجي هنا يقول الكلام من هنا، ده مش راجل، بتتكلم عن الناس الغلابة، تعالى ورينا نفسك أنا بمثل من 18 سنة محدش يقولي بطبل وبقالي سنتين بشتغل 100 شغلانة ومابتكلمش أنا معملتش غير مسلسل «الاب الروحي» وفيلم «الممر» إللى أجره مياكلش ابني أصلا».
وذكر أحمد فلوكس، أن محمد علي، دفع 27 مليون وتعرض للنصب في 20 مليون، من أجل أن ينتج لنفسه فيلما واحدا، بعد تخطيط 8 سنوات، بينما فلوكس يعمل في التمثيل منذ 19 عاما ولم يستطيع أن ينتج لنفسه فيلما واحدا.
كما اتهم فلوكس، محمد علي، بأنه: «حشاش وسارق وبيزني، وبتتكلم في رزق وعايز ربنا يكرمك إزاى».
