رئاسة الجمهورية تستعرض الإنجازات ردا على «الحرب على مصر» (فيديو)
أصدر المركز الإعلامي لرئاسة جمهورية مصر العربية، اليوم الثلاثاء، مقطع فيديو يوضح «أسباب الحرب على مصر في الفترة الحالية».
واستعرض الفيديو إنجازات في عدد من المجالات بينها المرافق والخدمات «مصر اللي اتهالكت مرافقها وخدماتها النهاردة أسست بنيتها التحتية وبتستعيد طاقاتها بأشكالها وأنواعها».
وفي مجال الزراعة: «مصر اللي الصحرا زحفت على أرضها وبالطوب والأسمنت اتدمر زرعها مصر النهاردة بتغزو الصحراء تخضر رملها باستصلاح وزراعة ملايين الأفدنة من الزراعات المفتوحة والبيوت الزراعية الضخمة اللي بتنتج محاصيل صحية بتنافس أجود محاصيل العالم».
وعن التطوير في مجال الصحة: «مصر اللي عانى شعبها صحيا وبدنيا فيروسات وأمراض مستوطنة وقوائم انتظار طويلة للحالات الحرجة مصر النهاردة بميت مليون صحة بتسابق الزمن علشان ترجع لأهلها عافيتهم ويرجع معاها البسمة والأمل».
وفيما يخص التعليم: «مصر اللي التعليم فيها اتأخر واتراجعت مكانتها العلمية والبحثية مصر النهاردة بتطور منظومة التعليم بالكامل علشان تواكب أعلى المنظومات العالمية في الفكر والمعرفة والبحث العلمي».
وعن الكهرباء: «مصر اللي كانت الضلمة بتحاصرها ليل ونهار بنت شبكة كهربا جديدة بالكامل الأحدث والأقوى في الشرق الأوسط واتوسعنا في إنتاج الطاقة النظيفة والمتجددة وبتصدر الكهرباء».
