أحمد فهمي يكشف عن مرض هنا الزاهد: الناس بقى عندها غل (فيديو)

قال الفنان أحمد فهمي، إنه «سافر رابع يوم بعد زواجه، من هنا الزاهد، حيث تعرضت للتعب على الطيارة، وافتكرنا أنه في البداية تسمم نزلنا عملنا تحاليل، تاني يوم تعبت جامد فرحنا المستشفى عملنا تحاليل طلع عندها حصاوي في المرارة بأحجام كبيرة قعدنا شهر العسل كله في المستشفى».

وذكر في حوار على موقع «يوتيوب» لقناة فوشيا، «أنه بمجرد ما الدكتور أعلن أن هنا يمكنها الرجوع لمصر، علشان العملية رجعنا وهننتظر شهر لان في التهابات ومش هتقدر نعمل العملية دلوقتي».

وأضاف أنه كان دائما لا يركز في موضوع الحسد، ومنذ أن تزوج وهو يتعرض لكثير من الأمور الغير طبيعية، قائلا: «فرحي لم يتكلف الكثير استغربت اني في ناس كتير بتقول اني الفرح كلف 10 مليون أو رقم قريب من كده، والله ما حصل لا صرفنا 10 مليون ولا رقم قريب من كدا الناس جاملتني خاصة في الاوتيل حتى المطربين صحابي وبيجاملوني».

وأوضح أن « العدد الذي حضر الفرح اصلا أنا مكنتش متخيله، ونصهم أنا معزمتهمش اصلا فجاءة لقيت 4 آلاف شخص، معزمتش ربعهم».

واتهم فهمي، «بعض الأشخاص أصبح لديه «غل» مش طبيعي، الناس مفكرة أننا عاملين فيلم ومنزلين صورة هنا في المستشفى».

وأشار إلى أن «بعض الناس بتتعامل مع الفنان على أنه مش بني ادم من لحم ودم، يطلع وهو بيقول هشتمك وهشتم مراتك وهشتم مامتك وهشتم كل الناس وانت علشان فنان مش هترد وهو في الاخر واحد مستخبي ورا كيبورد، بعض الزملا بيخاف بحجة أنه ميردش علشان ميخسرش جمهور لكن انا لا هرد حتى لو هخسر عادي جدا».