ملك الكاشف.. مصري يعلن تحوله جنسيا لجسد أنثى بالكامل (صورة)
أعلن المتحول جنسيا إلى امرأة، ملك الكاشف، اليوم الثلاثاء، عبر صفحته الرسمية على موقع التواصل الاجتماعي «فيس بوك»، عن إجراء عملية التحول بالكامل، من جسد رجل إلى جسد أنثى.
وأعلنت ملك الكاشف إجراء آخر عملية من سلسلة عمليات طويلة يطالها التحول الكامل من جسد إلى آخر قائلة: «النهارده هو اليوم اللي هزمت فيه المجتمع، من دقائق قليلة خرجت من غرفة العمليات بعد ما أجريت آخر عملية من سلسلة عمليات عبوري الجنسي والنهارده جسمي بشكل كامل هو جسم أنثى بعد سنين معاناة في جسم ولد».
وأضافت «أنا النهارده حطمت قوالب الذكورية الاجتماعية اللي كانت تحاربني طول الوقت وتفضل تقولي، ازاي راجل يتخلى عن رجولته و يقبل يكون ست ده حتى الراجل ميعيبوش إلا جيبه، إنما الست مقيدة بالعادات و التقاليد».
واختتمت: «النهارده انا قررت اجاوب عالسؤال ده و اقول ان الست زي الراجل مبيفرقش بينهم غير اعضاء شكلها مختلف و ان كوني ست يخليني ابقا سعيده وانا بتخلى عن رجولتي اللي كانت محصوره في جسم بس عشان اكون نفسي و اتصالح مع نفسي وجسمي لحد ماموت ، النهارده انا هزمت اهلي و المجتمع و كل حد اذاني عشان كوني ملك شر هزيمه و اخيرا مفيش عياط قدام المراية ولا هيستيريا ولا خوف ولا كسوف ولا قلق لان من النهارده مفيش غير ملك و بس».
وظهرت الكاشف بعدما تم القبض عليها العام الماضي، وأثارت قضيتها الرأي العام في مصر بعد اكتشاف أنها متحولة جنسيا، ومن ثم تم القبض عليها مرة أخرى العام الجاري بسبب تأييدها دعوات للتظاهر ضد الحكومة المصرية عبر منشور لها على موقع التواصل الاجتماعي فيسبوك.
