إزاي تسجل قراءة عداد الكهرباء بنفسك وتوفر في الفاتورة؟
دلوقتي غالبا الراجل الي بيجي يكشف علي عداد الكهربا مبقاش يجي مش كدا ؟.. طيب، دا معناه ببساطة إن مفيش كشف علي العداد أصلا وبالتالي المبلغ الي بتدفعه للكهربا دا بيتحدد بالبركة، وانت وحظك.
يعني ممكن يجيلك في وقت ما انت بتستخدم أجهزة كتيرة جدا مبلغ قليل! وفي وقت ما انت عارف كويس أوي انك مستهلكتش كتير، ويجي مبلغ محترم.. طيب الحل إيه؟
دلوقتي في حاجة لطيفة جدا هو موقع عمله جهاز تنظيم مرفق الكهرباء وحماية المستهلك، بتدخل عليه من يوم 1 ليوم 13 كل شهر، وتكتب قرائة العداد بتاعك وهي بتوصلهم، ده غير إنك كمان هتقدر تعرف من خلال الموقع احتمال انقطاع الكهربا في منطقتك من عدمه.
الموقع سهل الاستخدام يعني مش زي أغلب المواقع الحكومية. هتسجل دخولك وتختار المنطقة وتكتب رقم العداد.. الخطوات كلها سهلة وبسيطة ، وهتوفر عليك الفلوس الي بتدفعها وملهاش علاقة باستخدامك.
للدخول علي الموقع أضغط هنا
لو أنت دخلتعلى موقع جهاز تنظيم مرفق الكهرباء وحماية المستهلك، ومش عارف ازاي تسجل حساب على الموقع دا فيديو هيوريك ازاي تستخدم الموقع:
أو نزل تطبيق خدمات الكهرباء الذكية (Egypterases) أندرويد: http://bit.ly/1znIae4 أيفون: http://apple.co/1QOu9M0
