مصطفى «أبو تورتة» يوجه رسالة لخطيبته «نهال» على الهواء مباشرة (فيديو)
أتاح برنامج «الجمعة في مصر» المذاع على قناة «إم بي سي مصر» الفرصة للشاب مصطفى أحمد والمشهور بـ«مصطفى أبو تورتة» للتعليق على واقعة ترك خطيبته في القاعة ليلة الخطوبة.
وحكي مصطفى أنه مثل أي شاب يعمل في شركة وتقدم لخطبة نهال ووافق أهلها، ولم يكن متعمد ترك العروس في قاعة الخطوبة بمفردها كما أشاعت هي ونقل رواد مواقع التواصل الاجتماعي الواقعة على لسانها.
وأوضح: «اللي حصل إن خالي تعب وأهلي خدواا خالي وطلعوا على المستشفى وخالي في مقام والدي لأن والدي متوفي، قولت للعروسة يلا بينا علشان أروح أتطمن على خالي، قالتلي يلا بينا إيه ومش هينفع والناس موجودة، وأنا كنت عاوز أمشّي الموضوع عادي علشان ميكونش فيه قلق ولا زعل».
ووجه رسالة إلى نهال: «أحب أقول لنهال، كان لازم قبل ما نعمل أي حاجة كان لازم تتأكدي من اللي حصل وإن خالي تعبان ولا لأ، ومكنتش منتظر إنك تعملي كده»، لترد عليه مقدمة البرنامج: «كنت منتظراك تقول رسالة تانية لنهال».
