السيسي عن أزمات مصر: «لما البلد كشفت ضهرها وعرت كتفها حصل فينا كد»
فتح رئيس الجمهورية عبدالفتاح السيسي، باب الأسئلة للحضور خلال فاعليات الندوة التثقيفية للقوات المسلحة، اليوم الأحد.
السؤال الأول من رئيس مجلس إدارة مؤسسة أخبار اليوم، ياسر رزق وكان عن سد النهضة ومسار العلاقات المصرية الإثيوبية؟
وقال الرئيس: « مفيش تحدي يقدر يأثر في مصر ومستقبلها، ومنقدرش نجابهه ونتعامل معاه إلا حاجة واحدة أني انتم يا مصريين تاكلو بلدكم، التحدي والمخاطر موجودة في كل عصر، وحدة المصريين وثباتهم قادرة على ايجاد حل لأي مشكلة تواجه الوطن، فعدم الخروج ضد الدولة هو الضمان لذلك أنا مبقولش كده علشان أنا في الموقع لا والله وانا بقسم بالله، أي حاجة سهلة إلا ان انتوا يا مصريين تضيعوا بلدكم».
وعن أزمة سد النهضة قال: « لو مكانتش 2011 كان هيبقى عندنا فرصة لاتفاق قوي وسهل لاقامة هذا السد، لكن لما البلد كشفت ضهرها وعرت كتفها فأي حاجة تتعمل بقى ولو مخدتوش بالكم هيتعمل فيكم أكتر من كده الجيش قوي وقادر ان شاء الله».
وأضاف « في مارس 2015 كان في لقاء بين القيادة السودانية والاثيوبية واتفقنا على اتفاق اطاري مكون من 10 بنود أهمهم أسلوب ملء الخزان وتشغيله في إطار أن ذلك لا يضر بمصر بشكل بالغ».
وأعلن: «تم الاتفاق على انه في حالة لم يصل الاطراف الثلاثة للاتفاق لابد من شريك يحدد حجم الأزمة فتم الاستعانة بلجان فنية لتحديد حجم المياه التي يتم تخزينها خلف السد قد ايه».
وبعد فشل الوصول إلى اتفاق قال السيسي: «خلال السنوات اللى فاتت لم تصل االى اتفاق في هذا الموضوع، ونتعامل مع القضايا بهدوء ديما الألفاظ اللى بتطلع مننا والتعليقات بتاعت الفيس بوك فيما يخص هذا الموضوع مبالغين جدا في ردود أفعالنا الحوار هو طريق حل القضية».
