السيسي: مهجرناش حد من بيته والطيارة هتنزل في العريش وبكرا تشوفوا (فيديو)

علق رئيس الجمهورية على سؤال نائب رئيس جامعة سيناء، الدكتور صلاح سالم، الخاص بتهجير أهالي سيناء وموعد انتهاء العملية الشاملة في شمال سيناء.

وقال السيسي خلال الندوة التثقيفية للقوات المسلحة: «من سنتين قولنا لازم نستعيد السيطرة على سينا في خلال 3 شهور وحجم السيطرة في سيناء واستقرارها الحالي اتحسن كتير قياسا بتلك الفترة».

وأعلن: «الأمر يحتاج جهد أكتر وتعاون من أهالي سيناء، واحنا مهجرناش حد، لازم ناخد بالنا واحنا بنقول كلمة تهجير كان عندنا بيوت ومزارع ملاصقة للخط الحدودي مع قطاع غزة وآلاف الأنفاق اللي كانت موجودة».

وتابع: «علشان نتخلص من الموضوع ده كان لا بد من إخلاء الناس من البيوت والمزاع بتعويضات بعد السؤال عن سعر المتر للمباني والمزارع والناس خدت مكانها فلوس واحنا مهجرناش حد يا دكتور، الكلام ده محصلش في 67 لما الناس سابت بيوتها في الإسماعيلية وبورسعيد».

وأشار: «مش هنسمح بتهديد الأمن القومي أحنا فعلا اخلينا الناس واحنا مضيعناش الناس، بنبني في رفح الجديدة علشان تكون بديل للناس اللى تم اخلائهم من الشريط الحدودي، ومكناش نتمنى نعمل كده، الطيارة لما تكون نازله على أرض مصر وتنضرب وفيها وزير الداخلية ووزير الدفاع دا كلام برضوا فكان لابد من إجراء يتعمل لأنه كان لازم الطيارة تنزل في سيناء وتنزل في العريش وبكرة تشوفوا».