حسني مبارك: أنا اللى اخترعت عيد القوات الجوية بعد حرب أكتوبر (فيديو)
قال الرئيس الأسبق، محمد حسني مبارك، إن يوم 14 أكتوبر عام 1973، ضربت مقاتلات الجيش المصري نحو 17 أو 18 طائرة إسرائيلية، ولم نخسر من مقاتلات الجيش المصري سوى 4 طائرات.
وأعلن في حديثه عن ذكريات حرب أكتوبر على قناة «أرشيف مبارك»، عن عدم تمكن اسرائيل من الدخول ناحية المنصورة، قائلا: «اعتبرنا يوم 14 أكتوبر عيد القوات الجوية بسبب مشاركة عدد كبير من المقاتلات الخاصة باللواء 104 و 102 وقولت للوزير أن نتعبر ذلك يوم عيد للقوات الجوية وأنا اللى اخترعت اليوم ده».
وأكد: «اعتبرنا يوم 14 أكتوبر يوم القوات الجوية لأنها أكبر معركة جوية حصلت قتال جوي استمر 50 دقيقة وطلبت من الوزير يكون عيد القوات الجوية ووافق على الطلب».
وأضاف: «ضربنا القوات اللى حاولت تعبر وبهدلنا الدنيا كلها، لما حصلت الثغرة كده السادات موجود وقال لأحمد إسماعيل ودي سعد يشوف الجيشين ويشوف موضع الثغرة، ولما عاد الشاذل قال لازم نسحب قواتنا».
وذكر: «أنا عديت عليه قولتله نسحب إيه مفيش خطة انسحاب لأنه عاوز قوات مضاعفة، أنا هضرب من بورسعيد لجنوب السويس بالقوات دي صعب، الهجوم تمام لكن انسحاب لا».
وأوضح: «دخلت على أحمد إسماعيل قاللى سمعت اللى قاله الشاذلي وكلمنا السادات، السادات اتدايق جدا واجتمعنا في الغرفة والمجلس الأعلى اجتمع
السادات قال عاوز اسمع القوات الجوية، قولتله اقدر استكمل القتال لكن بتركيز على أماكن محددة علشان نخسرهم جامد».
وتابع: «السادات بعد الاجتماع قال هنستمر في القتال ولو العدو قاتلني في القاهرة هقاتله، لكن مستحيل انسحب، انبسطنا جدا لأننا كنا خايفين من الانسحاب لأنه كان هيكون مصيبة وهيكون الجيش انتهى للابد ومحدش هيعرف مصيرنا هيكون اي، والجيش معنوياته ارتفعت وطلعنا طلعات تاني».
