كيف تلقى حسني مبارك توجيهات سعد الدين الشاذلي عن الثغرة أثناء الحرب؟
علق الرئيس الأسبق حسني مبارك، على ثغرة الدفرسوار التي حدثت خلال مواجهات الجيش المصري للعدو الإسرائيلي في حرب أكتوبر على أرض سيناء.
وقال في حديثه عن ذكريات حرب أكتوبر على قناة «أرشيف مبارك»، «لما حصلت الثغرة كان السادات موجود وقال لأحمد إسماعيل ودي سعد الشاذلي يشوف الجيشين ويشوف موضع الثغرة، ولما عاد الشاذلي قال لازم نسحب قواتنا».
وذكر: «أنا عديت عليه قولتله نسحب إيه مفيش خطة انسحاب لأنه عاوز قوات مضاعفة، أنا هضرب من بورسعيد لجنوب السويس بالقوات دي صعب، الهجوم تمام لكن انسحاب لا».
وأوضح: «دخلت على أحمد إسماعيل قاللى سمعت اللى قاله الشاذلي وكلمنا السادات، السادات اتدايق جدا واجتمعنا في الغرفة والمجلس الأعلى اجتمع
السادات قال عاوز اسمع القوات الجوية، قولتله اقدر استكمل القتال لكن بتركيز على أماكن محددة علشان نخسرهم جامد».
وتابع: «السادات بعد الاجتماع قال هنستمر في القتال ولو العدو قاتلني في القاهرة هقاتله، لكن مستحيل انسحب، انبسطنا جدا لأننا كنا خايفين من الانسحاب لأنه كان هيكون مصيبة وهيكون الجيش انتهى للابد ومحدش هيعرف مصيرنا هيكون اي، والجيش معنوياته ارتفعت وطلعنا طلعات تاني».
وأضاف: «اعتبرنا يوم 14 أكتوبر يوم القوات الجوية لأنها أكبر معركة جوية حصلت قتال جوي استمر 50 دقيقة وطلبت من الوزير يكون عيد القوات الجوية ووافق على الطلب».
