الباز: «محمد غنيم توقف وعيه السياسي وغير مؤهل للحديث عما يجري في مصر الآن» (فيديو)
رد الإعلامي محمد الباز، على بعض التصريحات التي أدلى بها الدكتور محمد غنيم رائد عمليات زراعة الكلى في مصر والعالم العربي، خلال حواره مع الاعلامي عمرو أديب ببرنامج الحكاية، عن الأوضاع في مصر وانتقاده لبعض الأمور.
وقال الباز خلال تقديم حلقته ببرنامج 90 دقيقة، المذاع على قناة المحور، مساء الثلاثاء، «الدكتور محمد غنيم لو كان متابع اللى بيحصل في مصر من استثمار مكنش قال الكلام ده، المفروض يعرف اللى على أرض الواقع، وبعدين يقترح».
وأكمل الباز، «الدكتور محمد غنيم غير مؤهل للحديث عما يجري في مصر الآن، وعلمت بهذا الأمر عندما قمت باستضافته خلال شهر يوليو الماضي، لأنه يوجد جيل توقف عطاءه السياسي قبل 25 يناير، منهم الدكتور محمد غنيم ومحمد أبوالغار».
وأضاف مقدم برنامج 90 دقيقة، «أرفض مهاجمة الدكتور غنيم على تصريحاته، لكن لكل زمن دولة ورجال، والزمن اللي قبل كده كان زمنكم، بس تجربتك يادكتور غنيم اللي كانت في 2010 معدتش تنفع دلوقتي».
وتابع الباز، أنه اذا تحدث أحد بكلام غير صحيح، يجب أن يتم الرد عليه، ولما الدكتورغنيم سأل ليه بنبني مقر مجلس للوزراء بالعلمين الجديدة، أحب اقوله إن من الأسباب اننا مش رايحين نبني مصيف، احنا بنرفع حالة الاستثمار في المنطقة لأن المنطقة كانت صحراء، وأنا لا أدافع عن الحكومة.
وأوضح مقدم برنامج 90 دقيقة، «ارفض تصرفات الأمن في استهداف ناس أبرياء، لكن حالة التحرش السياسي اللي في مصر هيا اللي بتفرض هذه الاجراءات مينفعش ننكر اللي بيحصل، بس متفهيمين الدوافع اللي بتخليهم يعملوا كده، وليه في اصرار ان البلد ترجع للخلف».
وأشار مقدم برنامج 90 دقيقة، «دول ناس كانوا موجودين قبل 25 يناير، وكان ليهم دور كبير في الحديث عن مشاكل البلد، والدكتورغنيم فعلا مهموم بالبلد».
وتابع الباز، «هقول لحضرتكم سر، الدكتورغنيم كان قاعد مع بعض الشخصيات العامة في المنصورة، عندما كان هناك حالة انسداد في الحياة السياسية في مصر أيام حكم الرئيس الأسبق مبارك، ومحتاجين حد يحرك المياه الراكدة من خلال مشروع أو فكرة، وتم عرض عدد من الاسماء، وتم الاتفاق على أن يتم اللجوء لوجه غير معروف في الحياة السياسية».
وأكمل الباز، «اقترح غنيم ان يتم التواصل مع البرادعي الحاصل على جائزة نوبل، وهييجي عنه مشروع ونتكلم معاه في التغيير، والناس هتعتبره نوع من الأمل، واتصل بيه غنيم وشرحله الفكرة وأبدى البردعى استعداده، هذه المجوعة توقف بيهم الوعي السياسي لازمات البلد عند ثورة 25 يناير».
