طلاب بتجارة حلوان يشتكون: «بندفع 18 ألف في السنة ومفيش حاجة شغالة» (صور)

اشتكى طلاب برنامج «FMI»، بكلية التجارة وإدارة الأعمال جامعة حلوان، من سوء الخدمات المقدمة لهم، وارتفاع المصروفات ورسوم الخدمات.

وكتب الطلاب على صفحة خاصة بهم على موقع التواصل الاجتماعي «فيسبوك» إنها لا تصلح أن تكون مركز تعليمي ناجح رغم تراوح المصروفات بين 15 ألفا و18 ألفا بالعام الدراسي الواحد.

وأضاف المنشور: «لا يوجد اجهزه تكبير صوت في القاعات وبعضها لا تعمل الي يخلينا واحنا قاعدين في الصف الرابع مش سامعين اي حاجه من الدكاتره ونكلم الدكتور يقول اشتكوا انا اعملكم ايه».
وتابع: «مفيش اي حاجه تثبت اساسا ان احنا طلاب في الكليه دي يعني مفيش كارنيهات نزلت لحد دلوقتي سنتين وكل ما نروح تدريب يطلبوا كارنيه فمنتمرنش الحل الوحيد اننا نعمل شهادة قيد الي سعرها زاد بقى ب ١٠٠ جنيه وكل تدريب شهاده واحده خاصه بيه».
وينتقد الطلاب المظهر العام للكلية «ولا شكل ولا منظر كل حاجه متدمره حرفيا الجدران متبهدله والارضيات متغرقه ديما والقاعات متبهدله على الآخر حتى السبوره بايظه والبروجيكتور فيها مش متظبط»
وقالوا: «لحد الان مفيش كتب نزلت وقالوا انها اتأخرت علشان هيجمعوها ويبيعها من منفذ في الكليه بسعر ارخص بدل استغلال المكاتب. طب الكتاب كان في المكاتب ب ١٢٠.. نزل الكليه بقي ب ١٥٠ جنيه ليه كدا طيب.. ده استغلال.. الحمامات الي شبه حمامات مصر العامه التكيفات الي مش شغاله المراوح مش شغاله».