أحمد موسى يطالب بمحاكمة من شوّه كوبري تحيا مصر بعبارة «بحبك يا أم مليكة» (فيديو)
عرض الإعلامي أحمد موسى، فيديو قال إنه لكوبرى تحيا مصر، يكشف عن الإهمال والتخريب الذي لحق بالمكان بعد مرور 5 أشهر فقط على الافتتاح.
وقال موسى خلال تقديم حلقته ببرنامج على مسئوليتي، المذاع على قناة صدى البلد، مساء الأحد: «يوم الافتتاح تم كسر الزجاج الخاص بالممشى ليلا، وفي ثاني يوم الافتتاح كنت عاوز أصور من هناك وأجلت الموضوع علشان التشويهات اللي كانت حاصله، مينفعش كده ياجماعة اللى بيحصل ده».
10 معلومات عن محور روض الفرج وكوبري «تحيا مصر»
وأضاف مقدم برنامج على مسئوليتي، «اللي حصل في الكوبرى شئ محزن ومقلق وهذا تخريب عن عمد، اللي كاتب بحبك يافلانة وانا واخويا وصاحبي، وكاتبين ارقام تليفوناتهم»، مطالبا أن يتم القبض على هؤلاء المخربين فورا ويتم تقديمهم إلى النيابة العامة.
وتابع موسى، «اتفرجوا يامصريين ده الكوبري اللي دفعنا فيه فلوس من ضرائب الشعب، اللي عمل كده ناس مش بني آدمين ولا متربيين، لأنهم بيخربوا في الكوبري، وهذا الأمر من اكثر الحاجات اللى ضايقتي النهاردة».
