أحمد فلوكس يعلق على السخرية من دوره في فيلم الممر: «كنت بسف على نفسي»
علق الفنان أحمد فلوكس على الصور الساخرة له التي تشهدها مواقع التواصل الاجتماعي بعد مشاركته في فيلم «الممر»، وتجسيده شخصية ضابط مصري، استشهد في فترة حروب الاستنزاف.
وقال: «في حاجات كانت دمها خفيف، وأنا كنت بتريق وبسف على نفسي واحنا بنصور، وكنت بقول أنا الشهيد الوحيد في الفيلم».
واستنكر الفنان أحمد فلوكس إعطاء السخرية حجما كبيرا في حين أن الفيلم له رسالة قوية ووطنية، موضحا: «فيه حاجات تانية خالص، معتقدش إنها من ديننا ولا تربيتنا ولا مبادئنا ولا قيمنا، وهي ربط التريقة باسمي واسم الشهيد، وأنا أقل بكتير من ده، تربيتنا علمتنا كده، وأول جملة بنقولها أشهد أن لا إله إلا الله وأن محمدا رسول الله».
وأضاف: «الهدف مش أنا لوحدي، ومن كتر ما دوري ما عمل تأثير، والناس عرفت، والأجيال الجديدة اللي طالعة، وناس بتقول مفيش حرب، لكن الحقيقة فيه حرب وشهداء كتير، لكن مكنوش فاهمين المعنى».
