كلية بدون مرشحين في انتخابات اتحاد الطلاب بجامعة بني سويف
نشر رئيس اتحاد طلاب جامعة بني سويف السابق، الطالب بكلية طب الأسنان أحمد السيد، صورة لكشف المرشحين لانتخابات العام الدراسي الحالي عن أحد كليات الجامعة دون مرشحين.
ويظهر في الصورة التي تعمد الطلاب إخفاء بيانات الكلية منها عدم ترشح أي طالب أو طالبة في جميع لجان اتحاد الطلاب.
وعلّق رئيس اتحاد الجامعة السابق على الصورة قائلا: «الكوادر الحقيقية والعقول المثمرة الفارقة اندثرت وهتندثر اكتر لو بعض الجامعات الاقليمية مبدأتش ترجع تولي الاهتمام الحقيقي بممثلي الطلبة والنشاط الطلابي بشكل عام مبتعدين عن فكرة ان احنا جامعة صغيرة ومشي الدنيا.. وفكرة انا مش عايز وجع دماغ بتعود بالسلب ع اصحابها دايمًا علي عكس نماذج كتير واضحة انا قابلتها في تجارب عدة ف العديد م جامعات مصر وابهرتني بصراحة ومنهم جامعات اقليمية اصغر وابعد مننا والله».
وتابع: «الصورة ضايقتني فعلا ..ويمكن يكون الامر مش بهذا القدر من الاهمية والتأثير بس هو مؤشر بالاضافة الى ان اتحاد الطلاب دايمًا بداية بتعلم الشاب التواجد والسعي للتغيير للافضل لأول مرة ف حياته بآليات وقوانين بتعلمه العمل العام من اشكال عدة على مسطح صغير وهو كليته او جامعته.. ودا بيبني الشاب اللي هيقود المجتمع بتاعه على مدى صغره او كبره ف المستقبل وبتعده يكون عضو فاعل او أداة رقابية او سلطة معينة».
