نشأت الديهي للمصريين: «مش هنفضل قاعدين فوق بعض.. روحوا سينا عمروها» (فيديو)
انتقد الإعلامي نشأت الديهي، جمهور السوشيال ميديا بعد مشاركته في تريند الإعلامية وخبيرة التجميل أسما شريف منير، ابنة الفنان والممثل شريف منير، بعد وصفها للشيخ الشعراوي بالتطرف.
وقال الديهي خلال تقديم حلقته ببرنامج بالورقة والقلم، المذاع على قناة TEN، مساء الثلاثاء، «الترند بتاعنا لازم يكون مختلف تريند مصر مش فى تويتر ولا غيره، عندنا أكبر عملية تنمية شاملة فى البلد من ضمنها سيناء».
وأضاف مقدم برنامج بالورقة والقلم، «ما يجري على سيناء غير مسبوق، فرصة يلا نحقق خطة الدولة علشان أحلامنا وطموحتنا، انت قاعد في متر مربع في الدلتا ليه، والعائلات كلها قاعدة في بيت واحد فوق بعضها زي العشوائيات الزراعية، لازم ننفذ كلام ربنا.. فسيروا فى الارض».
وتابع الإعلامي نشأت الديهي، «يااخي اطلع ربنا يوسع عليك، وبلاش خناقة مع اخوك علشان الميراث، وكل الأمراض والمشاكل والخناقات نتيجة اننا قاعدين مع بعض في بيت واحد».
وأكمل مقدم برنامج بالورقة والقلم، «الدلتا أصبحت عامله زي وعاء شبه علبة السردين، يلا اطلع على سيناء والطرق اشتغلت هناك والدولة بتمدلك ايديها علشان تنمي وتطور».
